Nôkố, a mâu kong pơlê kơpong tơbăng kroăng Cửu Long, Đông Nam Bộ ƀă Tây Nguyên loăng plâi sầu riêng xuân dế hlo hên ngế pêt, malối po rơdâ teăng pêt a mâu tíu tơnêi ôh tá tơtro. Ai tíu ki ‘nâ ko tah dêi loăng kơphế, tiu tung kơdrum vâ pêt loăng plâi sầu riêng; pơ’lêh tơnêi vâ pêt loăng plâi sầu riêng... Tiô Khu xiâm ngăn hdrê loăng plâi, tơdroăng po rơdâ deăng pêt hên, pro pá tung séa ngăn, hlo vâi pêt mê kô pêt há, ôh tá pêt tro tiô troăng rơhlâ hnê dêi mâu kơ koan rak ngăn, kơ koan ki rơkê ‘na kơvâ cheăng mê kô pro trâm tơdroăng pá tá ‘nâi hdrối, tro lŭp hên ‘na plâi ƀă ki lĕm dêi plâi dêi Việt Nam.

Vâ mơdêk pêt plâi sầu riêng tơniăn, tơƀrê, tơtro ƀă troăng rơhlâ mơnhông mơdêk tơdjuôm dêi kơvâ cheăng, Khu xiâm ngăn hdrê loăng pơkâ thế mâu Khu xiâm ngăn ‘na chiâk deăng ƀă mơnhông thôn pơlê mâu kong pơlê, pơlê kong kơdrâm kong kân peăng Hdroh hnê tối, vâ chôa lâng pơ’lêh ki hmâ pro, hlê plĕng tơdroăng pêt hdrê loăng tơxup tiô dêi rơpó, pêt tiô pú hên,   tơdroăng mơdêk pêt loăng plâi tối tơdjuôm ƀă sầu riêng tối krê kal pêi tiô troăng rơhlâ kơchơ tê mơdró, tiô troăng rơhlâ dêi mâu kơ koan rak ngăn.