Tung pơla kố nah, a kong pơlê Lâm Đồng tối tơdjuôm mâu kong pơlê kơpong Tây Nguyên tối tơdjuôm pơxiâm mot tung rơnó mơdrăng. Vâ bê têa tôh ăm kơphế cho tơdroăng ki kal, châ kuăn pơlê, kơvâ ngăn chiâk deăng tơmâng khât, vâ tơniăn ăm loăng plâi xông mo dâi, hlối ai têa tôh tung pơla rơnó mơdrăng ó la ngiâ.  Kơphế cho môi tung mâu hdrê loăng ki xiâm dêi kong pơlê Lâm Đồng, ƀăng chiâk deăng pêt lối 170.00 ha, pêt hên a mâu tơring Lâm Hà, Di Linh, Đức Trọng ƀă Bảo Lâm.

Vâ pro pơxúa tơƀrê tung pêi chiâk, kuăn pơlê ƀă mâu kăn cheăm, tơring a kố dế tơbleăng hnê troăng rơhlâ hbrâ ví tô mơdrăng khăng khoăng. Tiô pôa Vũ Bá Yêu, Kăn phŏ pơkuâ Ƀơrô ngăn ‘na chiâk deăng ƀă mơnhông thôn pơlê tơring Lâm Hà tối, kong prâi tô mơdrăng ó, vâ tối hdrối pơla rôh kong tô ó hiăng vâ troh, mê tơdroăng hbrâ mơdât tô mơdrăng thăm rế châ mơdêk. Tơring hiăng pro tơ’lêi hlâu vâi ai têa tôh, kơdĭng têa a mâu long, rơchôa tung cheăm, tơring vâ ai têa tôh ăm loăng plâi.