Kơxo lơ 22/2 a Hà Nội, Khu xiâm ngăn ‘na chiâk deăng ƀă mơnhông thôn pơlê tơkŭm po hôp mơ’no tơdrêng “Tơbleăng tơdroăng mơnhông mơdêk khoa hok kŏng ngê̆ ƀă hơ’lêh nếo hriăn plĕng ki nếo dêi kơvâ pêi chiâk ƀă mơnhông thôn pơlê troh hơnăm 20230, ƀă mâu tơdroăng vâ pêi troh hơnăm 2050’’. A hneăng hôp, mâu kăn tối, mơnhông khoa hok kŏng ngê̆ ƀă hơ’lêh nếo hriĕn plĕng ki nếo dêi kơvâ pêi chiâk thế pơ’lêh tuăn tơmiât ing mâu tơdroăng pêi pro ki kŭn. Mơdêk hnoăng veăng dêi Khoa hok, kŏng ngê̆ ƀă hơ‘lêh nếo tung hriăn plĕng ki nếo tung mơdêk cheăng kâ ‘na chiâk deăng ing mâu tơdroăng cheăng tí tăng ‘nâi plĕng, hnê xúa hlối pêi ƀă kơmăi. Khu xiâm pơkâ troh hơnăm 2030, hnoăng veăng ‘no dêi ki tơƀrê cho xiâm tơkŭm a mơdêk dêi kơvâ pêi chiâk a kơlo kơpêng 50%.

Tiô pôa Phùng Đức Tiến, Ngế xiâm phŏ ngăn ‘na chiâk deăng ƀă mơnhông thôn pơlê, Khoa hok kŏng nghĕ ai hnoăng cheăng ki kal ƀă pơkâ tung mơdêk dêi kơvâ pêi chiâk ƀă tê kế tơmeăm pê lo ing chiâk deăng, ká xí xống ăm kong ê tung hơnăm hdrối. Pơ’lêh Troăng rơhlâ cheăng, mâu tíu pêi cheăng xuân môi tiah mâu Tíu xiâm thế hlê nhên mâu tơdroăng pêi pro tung kơvâ xua tơná rak ngăn.