Tiah mê, Khu xiâm ngăn ‘na chiâk deăng ƀă Mơnhông thôn pơlê pơkâ thế Vi ƀan hnê ngăn mâu kong pơlê, pơlê kong kân ối tung Tơnêi têa mơdêk hnê tối, hnê hriâm, mơdêk ki hlê plĕng ‘na hnoăng cheăng, ki tơdjâk, ki pơxúa dêi tơdroăng pêt loăng, chiâng kong; mơhnhôk rêm râ, mâu kơvâ cheăng ƀă kuăn pơlê kơhnâ veăng pêt loăng, chiâng kong, pêi pro mâu tơdroăng pơkâ dêi luât ‘na pêt kong, veăng kum rak vế hyôh kong prâi, kong kế nhâ loăng, kơdroh ‘na kong tô mơdrăng, hmâ ƀă hyôh kong prâi.

Mâu kong pơlê, pơlê kong kân tơkŭm tơbleăng tơdâng tơ’mô, tơƀrê mâu troăng hơlâ tung pêt kong; tơdroăng ki kal, hnoăng cheăng ƀă troăng hơlâ pêi pro tung la ngiâ mơnhông pêt kong Việt Nam hneăng hơnăm 2021 – 2030, troăng ngăn troh hơnăm 2050. Klêi kơ’nâi pêi pro “Têt pêt loăng”, mâu kong pơlê tơkŭm séa ngăn mơnhên tối, khĕn kơdeăn teăm tơdrêng ăm mâu khu tơrŭm, mâu ngế krê ki kơhnâ rơkê ai túa pêi ki tro ‘ló, túa pơkâ tro, rơkê.