Hâi lơ 14/6, a pơlê kong kơdrâm Ƀuôn Ma Thuột, kong pơlê Dak Lak, Tíu xiâm hnê mơhnhôk pêi chiâk dêi Tơnêi têa tơrŭm ƀă Viện Khoa hok kih thuât ngăn ‘na chiâk deăng loăng kong Tây Nguyên ƀă Kŏng ti veăng Tơlo liăn pro Phon Bình Điền tơkŭm po hneăng hôp tơbleăng tơdroăng pro “pêt kơphế rơkê plĕng hmâ ƀă hyôh kong prâi kơpong Tây Nguyên pơla hơnăm 2023-2025. Tơdroăng mê châ tơbleăng mơnúa pêi a 15 tơring ki xiâm pêt hên kơphế ƀă pêt tơvât mâu loăng plâi sầu riêng, pêt tiu dêi Tây Nguyên.

A hneăng hôp, mâu kăn ƀô̆ ngăn ‘na chiâk deăng cheăm, tơring hnê túa pêi tí tăng chêh xo mâu tơdroăng cheăng pêi a lối 500 rơpŏng ki pêt kơphế a 5 to kong pơlê kơpong Tây Nguyên. Pôa Phan Văn Tâm, Kŏng ti veăng tơlo liăn pro phon Bình Điền tối tiah kố: Hneăng hôp kum rêm pâ veăng hlê plĕng nhên tâ ‘na tơdroăng cheăng pêi dêi tơrêm ngế tung tơdroăng, ing mê, rak tơniăn tiah kố tơdroăng châ pêi pro kô veăng kum ăm kuăn pơlê ki pêt kơphế a kơpong Tây Nguyên, kum kuăn pơlê pêi pro ƀă xúa mâu tơdroăng hiăng pêi tơƀrê dêi tơdroăng ăm tơƀrê tâ.