Kơxo lơ 13/12, Ƀơrô Khu xiâm pơkuâ pêi chiâk deăng ƀă mơnhông thôn pơlê tơkŭm po tơpui tơno tơdrêng tung um tiô troăng hyôh măng: ‘’Lôu péa kơchơ tê mơdró tơmeăm pêi lo ing chiâk deăng – roh tơ’lêi mâu kong têa ki pro pro kơtăng má môi’’. Sap apoăng hơnăm troh nôkố, pêi lo liăn tê tơmeăm khoăng pêi lo ing chiâk deăng ngi kong têa ê, loăng pơlái, ká xi xŏng dêi Việt Nam châ lối 49 rơtal dollars Mih, tâk 11,8% tâng pơchông ƀă roh kố hơnăm nah.

Troh nôkố, hiăng ai 8 tơmeăm, khu tơmeăm châ kơxô̆ liăn tê ngi kong têa ê lối 2 rơtal dollars Mih mê cho: kơphế, kơxu, phái, kơchâi drêh, plâi hôt, xi xŏng, ká tra, tơmeăm ing loăng. A roh tơpui tơno, mâu kăn teăng mâ tối, tơdroăng lôu péa kong têa ki tê mơdró hiăng pá laga rak kong têa ki tê mơdró ƀă mơnhông mơdêk krá tơniăn ối pá tâ mê nếo.

Xua mê, rêm ngế kuăn pơlê pêi chiâk deăng, khu tê mơdró thế mơ-eăm pơ’lêh troăng tơmiât pêt mơjiâng tơmeăm, tơxâng mâu pơkâ, tơdroăng pơkâ dêi rêm kong têa ki tê mơdró.