Kơxê hâi lơ 2/6, tung tơdroăng Hâi vâi kơdrâi pơxiâm pêi cheăng kong pơlê Dak Lak hơnăm 2023, Hneăng hôp vâi kơdrâi Việt Nam kong pơlê Dak Lak tơkŭm po hôp tơpui tơdroăng tê mơdró rơxông 4.0 vâ hbrâ mâu tơdroăng ki hlê, tơdroăng hmâ pêi cheăng ƀă mâu troăng rơhlâ veăng kum vâi kơdrâi pơxiâm pêi cheăng, pơxiâm tê mơdró.

A hneăng hôp, mâu kăn châ tơmâng mâu ki rơkê tối ‘na tơdroăng, mê cho: Mâu tơdroăng tơdjuôm ‘na tơdroăng tê mơdró tơ’mot hên mơngế vâ rôe tơmeăm a rơxông 4.0; tơdroăng mơdêk tê mơdró a Dak Lak nôkố - mâu rôh tơ’lêi hlâu ƀă pơloăng mơnúa ƀă mâu kơdrâi tung tơdroăng pơxiâm pêi cheăng, tê mơdró; mơdêk tơdroăng vâ pêi, pơ’lêh kơxô̆ liăn pê lo, túa pêi cheăng dêi mâu khu mơdró má môi.

Ƀă mâu tơdroăng ki ai khât ƀă pơxúa mê, hneăng hôp hiăng kum mâu vâi nâ o kơdrâi hlê tơ’nôm, tơdroăng pêi cheăng ƀă troăng rơhlâ tơtro vâ mơnhông mơdêk pơxiâm pêi cheăng, pơxiâm tê mơdró; xúa mâu kŏng ngĕ vâ mơdêk tơ ƀrê tơmeăm pê lo, mơjiâng inâi, tơdroăng tơbriât tê mơdró.