VOV4.Xơ Đăng - Kơxo lơ 17/11, Khu ngăn kuăn pơlê pêi chiâk kong pơlê Dak Lak tơkŭm po Leh pơxiâm mơhno mâ Kơchơ tê tơmeăm pêi lo ing chiâk deăng Dak Lak online a tíu xiâm tê mơdró điê̆n tưh chonongsandaklak.vn.

VOV4.Xơ Đăng - Rơnó ki krí hên plâi sầu riêng hơnăm 2023 a kong pơlê Dak Lak hiăng mơgêi tơdroăng ki ƀlêi chiâng sap nah tá hâi chói hlo ‘na ki hên dêi plâi, ki kơnâ tâi tâng yâu dâng 15 rơpâu liăn, tâk hên hdroh tâng vâ ngăn ƀă tơdroăng ki pói  rơhêng vâ, klêi mê, kong pơlê ai tơ’nôm rơpâu ngế kuăn pơlê ki kro mơdrŏng. Laga, kố cho rơnó ki kheá hơ’nêng ƀă mâu khu mơdró kâ ki roê vâ mơ’no tê plâi, drêng hlo tơdroăng ki hên hiăng tro lŭp lơ tơdroăng mơdró kâ ôh tá rơhéa to lâi ôh, tơdroăng kố thăm rế hlo nhên mâu tơdroăng ki tô tuăn dêi kơvâ mơdró plâi ki kố, ki hdrối mê hía nah hiăng pói tơngah hên.

VOV4.Xơ Đăng - Drêng rôh lăm pôu ƀă veăng ai mâ a Măng tĭng po Mơhno túa lĕm tro Ôm hyô Gia Lai 2023, ngế xiâm ngăn chiâk deăng ƀă Mơnhông thôn pơlê Lê Minh Hoan hiăng ai rôh trâm mâ,tơpui tơno rơtế ƀă mâu khu mơdró kâ pêi kơphế a kong pơlê tâ tá tơdroăng vâ mơdêk ki kơnía kơvâ kơphế.

VOV4.Xơ Đăng - Ai hyôh kong prâi tơniăn, long rơchôa hên, mê a kong pơlê Dak Nông hiăng châ hlo hên túa păn ká ki pro pơxúa hên khât, tê châ lo liăn. Maluâ ti mê, mâu tơdroăng ki tơvâ tơvân ‘na túa pơkâ cheăng, ‘na kuăn mơngế pêi cheăng dế pro tơdjâk hên ăm kong pơlê tung tơdroăng păn tơnăng ká xi xŏng ki vâ pêi lo liăn hên.

VOV4.Xơ Đăng -  Pakĭng tơkŭm po hên roh tơpui tơno, hnê pơtâp vâ tŏng kum mâu tíu cheăng, khu tê mơdró tung kong pơlê châ achê ƀă mơdêk tơdroăng ki rơkê mot tơrŭm lâp plâi tơnêi, kong pơlê Lâm Đồng dế tơkŭm mơdêk tơdroăng mơhnhôk tê mơdró, tơdjêp troăng klông, po rơdâ kơchơ mơdró tê mâu tơmeăm pêi lo ing chiâk deăng ki má môi a kong pơlê.

VOV4.Xơ Đăng -  Tung rôh po Festival Rak vế ƀă mơnhông pơlê cheăng hơnăm 2023, kơxo lơ 9/11 a Hà Nội, Khu xiâm ngăn chiâk deăng ƀă Mơnhông thôn pơlê tơrŭm ƀă Vi ƀan hnê ngăn pơlê kong kân Hà Nội tơkŭm po tơpui tơno trâm mâ ƀă 100 ngế ngê̆ nhân, ngế ki rơkê teăng mâ ăm lối 2 rơpâu 107 ngế ngê̆ nhân ki rơkê, ƀă lối 3 rơtuh 650 rơpâu ngế pêi cheăng tung kơvâ cheăng pêi tung lâp tơnêi têa.

VOV4.Xơ Đăng - Hneăng hôp má 6, Kuô̆k hô̆i hneăng XV dế mot tung hneăng ki êng ƀă tiâ mâu Ngế xiâm, mâu kăn pơkuâ kơvâ cheăng chiâk deăng, cheăng kâ. Kuăn pơlê lâp tơnêi têa hiăng pơtroh hiâm tuăn ‘na tơdroăng mơnhông dêi kơvâ chiâk deăng troh pôa Lê Minh Hoan, Ngế xiâm ngăn ‘na chiâk deăng ƀă Mơnhông thôn pơlê.

VOV4.Xơ Đăng - Tiô tối hdrối dêi tơdroăng tê phái ngi kong têa ê tung hơnăm 2024, tê phái dêi Việt Nam hơnăm kố mơni kô châ 8 rơtuh tâ̆n.

VOV4.Xơ Đăng - Lâm Đồng cho kong pơlê ki djâ troăng ahdrối tung pêi chiâk deăng xúa kơmăi kơmok chal nếo. Tung mê, lêm hơkôp nhĕng tung pêt kế tơmeăm cho môi tung mâu tơdroăng ki pro pơxúa kân, kum thăm mơdêk ki dâi lĕm dêi kế tơmeăm, mơdêk kơxô̆ liăn châ xo rơtế tung môi ƀăng tơnêi ki pêt tơmeăm. Laga, klêi hên hơnăm pêt kế tơmeăm tung hơkôp nhĕng tơdroăng ki bro thăm rế hên, rế rĕng, pro tơdjâk ‘mêi troh hyôh kong  prâi, tơnêi tơníu ki hơpok ƀă hlối bro tơdjâk hên troh chiâng ai tơdroăng ‘mêi ki ê. Xua mê, kong pơlê Lâm Đồng dế bro mâu túa pơkâ vâ tah lôi, lơ têa tah lôi tâi tâng kơdrum chiâk deăng ki lê̆m nhĕng lo ing kơpong kơphô̆ pơlê kong kơdrâm Đà Lạt ƀă mâu tơring ki a chê.

VOV4.Xơ Đăng - Kơxê hâi lơ 31/10, a cheăm Ea Kênh, tơring Krông Pač, kong pơlê Dak Lak, Khu kăn ngăn ‘na chiâk deăng ƀă mơnhông thôn pơlê kong pơlê Dak Lak tơkŭm pơcháu ƀă ăm xúa tơmeăm khoăng mơjiâng pro long têa ăm krâi trâng ƀă hyôh kong prâi hơ’lêh ƀă kơjo kum tơmeăm xúa tung pêi chiâk ăm kuăn pơlê tung tơdroăng tơkêa bro “Mơdêk ivá kâi trâng dêi loăng plâi tiô pơkâ ki kŭn ƀă tơniăn têa tôh xua kong prâi hơ’lêh a kơpong Tây Nguyên ƀă Peăng Hdroh ƀă Tơdế kong pơlê Dak Lak”.