VOV4.Xơ Đăng - Sap nôkố ta troh mơ’nui hơnăm, tâi tâng kơvâ pêi chiâk ƀă mơnhông thôn pơlê tơkŭm pêi cheăng tê tơmeăm ăm kong têa ê cho tơdroăng cheăng ki tơ’lêi hlâu vâ pêi ai tiô pơkâ ăm tâk kế tơmeăm tê ăm kong têa ê” cho tơdroăng ki pôa Phùng Đức Tiến, Ngế xiâm Ngăn ‘na chiâk deăng ƀă mơnhông thôn pơlê tối a rôh hôp tiah hmâ ƀă khu chêh hlá tơbeăng khế 9 châ tơkŭm po a Hà Nội.

VOV4.Xơ Đăng - Mâu hơnăm achê pơla kố, khu râ kơvâ cheăng dêi Hngêi rak liăn kum Chiâk deăng ƀă Mơnhông thôn pơlê a Dak Lak hiăng po rơdâ troh mâu pơlê cheăm kơpong hơngế hơngo, kơpong hdroâng kuăn ngo ki iâ mơngế. Dế nôkố, hiăng ai lối 10 rơpâu rơpŏng hdroâng kuăn ngo châ mung lối 2 rơpâu rơtal liăn ing mâu kơvâ cheăng dêi Agribank Dak Lak. Kơnôm ing kơxô̆ liăn ki kố, kuăn pơlê khoh tơ’lêi hlâu ai liăn vâ mơ’no rôe hdrê, rak ngăn dêi hdrê loăng pêt, mơnăn păn tro tiô rơnó, ôh tá xê tơngah to ing tơdroăng mung pá kong ki mơdrếo tơkâ hên môi tiah hdrối nah.

VOV4.Xơ Đăng - Vi ƀan hnê ngăn kong pơlê Dak Lak tơkŭm po Rôh hôp mơgêi 3 hơnăm tơbleăng Túa pơkâ mơnhông cheăng kâ khu pú hên, khu pêi cheăng tơrŭm pơla hơnăm 2021 – 2025 ƀă Tơdroăng pêi pro dêi Vi ƀan hnê ngăn kong pơlê pêi pro mơgêi dêi Khu xiâm pơkuâ tơdroăng kal kí ‘na pơtối hơ’lêh nếo, mơnhông ƀă mơdêk tơƀrê cheăng kâ khu pú hên tung pơla hneăng ki nếo.

VOV4.Xơ Đăng - Hơ’lêh kơxô̆, xúa kơmăi kơmok chal nếo tung pêi chiâk pêi deăng rế hía rế hiăng hmâ ƀă kuăn pơlê, khu mơdró kâ, kơ koan pơkuâ ngăn tơnêi têa dêi kong pơlê Dak Lak rơtế veăng tŏng kum. Ing mê, chôa ‘lâng hơ’lêh túa pêi chiâk pêi deăng, kơdroh kơxô̆ liăn ngân, thăm mơdêk ki dâi lĕm, ki kơnía dêi kế tơmeăm, rế hía thăm rế pêi lo hên liăn ngân ăm tơná kuăn pơlê, veăng mơnhông pêi cheăng kâ a pơlê cheăm, tơring, kong pơlê.

VOV4.Xơ Đăng - A kong pơlê Kon Tum kuăn pơlê dế kal xúa on tơhrik 3 pha vâ mơ’no a troăng kơxái ki kân xúa tung pêi chiâk. La mâu kơpong pêi chiâk mê ối hơngế ing pơlê, kơxô̆ liăn ‘no vâ hnhâng kơxái on tơhrik 3 pha mê hên luâ kơ ivá mâu kăn ƀă kơvâ ngăn on tơhrik Kon Tum. Tơdroăng kố dế pro hrá tung tơdroăng pơkâ pêi cheăng xúa kơmăi kơmok tiô túa nếo tung pêi chiâk deăng dêi kong pơlê.

VOV4.Xơ Đăng - Xua tơdjâk dêi kong mê khía mơhot têa lân lu, hên hno, rơchoâ têa a kong pơlê Dak Lak tro tơ’nhiê, tro lŭp 73 rơtal liăn.

VOV4.Xơ Đăng - A pơlê kong kân Cần Thơ, Khu xiâm ngăn ‘na pêi chiâk ƀă mơnhông thôn pơlê tơkŭm po hneăng hôp tơpui ‘na tơdroăng ‘’Mơnhông pêi chiâk tung kuăn pơlê kơpong Tơbăng kroăng Cửu Long”. Tơpui tơno mê veăng ai mâu khu mơdró, Khu xiâm ngăn ‘na chiâk deăng ƀă mơnhông thôn pơlê mâu kong pơlê kơpong tơbăng kroăng Cửu long.

VOV4.Xơ Đăng - Mâu hơnăm achê pơla kố, tơdroăng ‘mâi pêt kơphế châ tơmâng khât. ‘Mâi pêt kơphế hiăng veăng ‘no hnoăng kân tung rak tơniăn ƀă mơdêk ki tơƀrê dâi lĕm dêi kơphế, mơdêk pêi lo liăn ăm mơngế ki pêt. Laga, tung pơla ‘mâi pêt kơphế ai mâu cheăm, tơring, kong pơlê ki ‘nâ mê hía nah ‘mâi pêt la ôh tá hlo tơƀrê tiô púi vâ, kơdrum kơphế klêi ‘mâi pêt ôh tá kâi xông lĕm, tro ôa hdrong kâ ’nhiê, pro chiâng lŭp ‘na cheăng kâ ăm kuăn pơlê. Vâ kum kuăn pơlê hlê tơ’nôm ‘na tơdroăng ‘mâi pêt kơphế, tung tơdroăng tơpui hâi kố, ngế rơkê ngăn ‘na chiâk deăng kô tơbleăng ăm kuăn pơlê mâu tơdroăng kal thế tơtrŏng vâ tơdroăng ‘mâi pêt kơphế châ tơƀrê.

VOV4.Xơ Đăng - Kơxo hâi lơ 8/9, Khu xiâm ngăn tê mơdró Dak Lak tơkŭm po Hôp mơgêi tơdroăng tơdjêp tê mơdró pơla mâu khu mơjiâng pro tơmeăm khu pê lo tơmeăm ing chiâk deăng ƀă mâu khu mơdró ki xing xoăng tơmeăm vâ tê ăm kong têa ê hơnăm 2023.

VOV4.Xơ Đăng - Roh tơpui tơno mơ’no tơdrêng tung um tiô troăng hyôh măng ‘’Troăng mơdât ƀă pơxâu phak tơdroăng rôe sâm ôh tá tro luât ing kong têa ê, gâk kring mơngế pêt sâm Việt Nam’’ tơkŭm po kơxo lơ 9/8 a Hà Nội.