VOV4.Xơ Đăng - Dế nôkố, kuăn pơlê ki pêi chiâk a mâu kong pơlê tung kơpong Tây Nguyên dế phiu ro mot tung rơnó xiâm krí tiu hơnăm 2024. Yă pơ’leăng tiu kơnâ sap ing 93 troh 95 rơtuh liăn 1 tâ̆n, cho kơlo yă ki kơnâ ó má môi ing hơnăm 2016 troh nôkố. Maluâ yă tiu dế to kơnâ ƀă châ a kơlo 95 rơpâu  liăn 1 kilô la kuăn pơlê ki pêi chiâk xuân tá hâi teăm thâ rĕng mơ’no tê dêi a kơchơ. Xua ga, tiô tơmiât dêi kuăn pơlê, kơxô̆ liăn ki mơ’no pêt mê kơnâ, xua mê, liăn ki tơkâ xuân ối iâ tá hâi xê hên.

VOV4.Xơ Đăng - Ai 8 rơpâu rơpŏng pêt kơphế a ƀăng tơnêi kŭn a kơpong xơpá dêi kong pơlê Dak Lak kô châ kum pêi pro pêt kơphế krá ton hmâ ƀă kong prâi hơ’lêh pơla hơnăm 2023 – 2028.

VOV4.Xơ Đăng - Mơhé a pơla kố hâi cho rôh  tô mơdrăng ó, a Long Đan Kia - Suối Vàng a chêng ngo Langbiang, tíu kơnhŏng têa hmâ mơhno têa ôu kâ hum roh ăm pơlê kong kơdrâm Đà Lạt (Lâm Đồng) hiăng vâ xiâ troh a kơdó. Vâ mơhno ăm hlo rơnó tô mơdrăng ó kô trâm a tơbăng ngo  Lâm Viên.

VOV4.Xơ Đăng - Kơxo lơ 4/3 a Hà Nội, Khu xiâm ngăn chiâk deăng ƀă Mơnhông thôn pơlê tơrŭm ƀă Kăn teăng mâ Mih a Việt Nam tơkŭm po hôp “Mơdêk ivá pêi pro luât hbrâ mơdât tê roê loăng ôh tá tro luât pơla Việt Nam ƀă Mih”.

VOV4.Xơ Đăng - Tơdroăng pêi chiâk pêi deăng cho môi tung mâu ivá ki rơdêi dêi kong pơlê Dak Lak. Hên tơmeăm khoăng ki pêi lo ing chiâk deăng ki xiâm môi tiah kơphế, kơxu, mắc ca, sầu riêng, báu phái ƀă hên tơmeăm khoăng ki ê hiăng cho po rơdâ tíu mơdró ki păng ‘nâng. Tơdroăng kố ti xê to mơdêk tơdroăng rêh kâ ối dêi kuăn pơlê mê ối veăng kum pêi châ lo liăn ngân rêm hơnăm châ rơpâu rơtal liăn ing tơdroăng pêi chiâk pêi deăng, tê mơdró, mơ’no tê kế tơmeăm.

VOV4.Xơ Đăng - Lâm Đồng ai lối 500 rơpâu ha kong, tung mê ki hên cho kong loăng hngó ƀă mâu kong tơ’lêi tro on chếo. Drêng kong tô khăng khoăng ton, tơ’lêi hlâu chếo kong ‘nâng, kong pơlê kố dế tơkŭm pêi pro hên troăng hbrâ mơdât chếo kong.

VOV4.Xơ Đăng - Tung roh lăm pêi cheăng a kong pơlê Kon Tum a khế 9/2023, Ngế pro xiâm hnê ngăn Chin phuh Phạm Minh Chính hiăng diâp ăm rơpŏng kơtiê a tơring Tu Mrông 12 rơpâu xiâm hdrê sâm - cho pôm pơkeăng kong Ngọc Linh. Pơla hdrối mê hía nah, kơnôm ai tơdroăng tŏng kum dêi khu kăn pơkuâ ƀă kơvâ ngăn ‘na chiâk deăng, 300 rơpŏng kơtiê hiăng mơdâ hdrê, mơjiâng chiâng kơdrum sâm ki kơnía a ngo Ngọc Linh.

VOV4.Xơ Đăng - Dế nôkố, hên tơring, cheăm a kong pơlê Dak Lak dế mot tung rơnó krí tiu. Yă tiu dế to rêm hâi, ngế ki pêt tiu phiu ro ƀă tơngah yă tê tơniăn kô kum kơxô̆ liăn ‘no hrê hên tung pơla rak ngăn.

VOV4.Xơ Đăng - Pêi pro tiô tơdroăng Tơkêa bro “Mơjiâng túa pêi cheăng tơrŭm ki nếo rơtế mơnhông tơƀrê ki pơxúa dêi tơmeăm pê lo ki xiâm, ki hên  ƀă châ tơbleăng troh lâp lu’’, Khu tơrŭm dêi rơpó pêi cheăng tơrŭm kong pơlê Dak Lak hbrâ tơdjêp ƀă mâu khu mơdró tơrŭm tê tơmeăm pê lo ing chiâk deăng ăm mâu khu pêi cheăng tơrŭm.

VOV4.Xơ Đăng - Cho kơpong  tơnêi ai hên túa loăng plâi ton hơnăm môi tiah kơphế, tiu, loăng plâi kâ, rơnó Hơngui xuân cho rơnó tô mơdrăng, kuăn pơlê Tây Nguyên hiăng hmâ ƀă tơdroăng tơdah Têt hlối rak ngăn dêi loăng plâi, tôh têa i hên, loăng plâi a chiâk deăng xông ngiât lĕm, mơhno tơdroăng hơniâp ro rơnó Hơngui.