VOV4.Xơ Đăng - Lâm Đồng ai lối 500 rơpâu ha kong, tung mê ki hên cho kong loăng hngó ƀă mâu kong tơ’lêi tro on chếo. Drêng kong tô khăng khoăng ton, tơ’lêi hlâu chếo kong ‘nâng, kong pơlê kố dế tơkŭm pêi pro hên troăng hbrâ mơdât chếo kong.

VOV4.Xơ Đăng - Tung roh lăm pêi cheăng a kong pơlê Kon Tum a khế 9/2023, Ngế pro xiâm hnê ngăn Chin phuh Phạm Minh Chính hiăng diâp ăm rơpŏng kơtiê a tơring Tu Mrông 12 rơpâu xiâm hdrê sâm - cho pôm pơkeăng kong Ngọc Linh. Pơla hdrối mê hía nah, kơnôm ai tơdroăng tŏng kum dêi khu kăn pơkuâ ƀă kơvâ ngăn ‘na chiâk deăng, 300 rơpŏng kơtiê hiăng mơdâ hdrê, mơjiâng chiâng kơdrum sâm ki kơnía a ngo Ngọc Linh.

VOV4.Xơ Đăng - Dế nôkố, hên tơring, cheăm a kong pơlê Dak Lak dế mot tung rơnó krí tiu. Yă tiu dế to rêm hâi, ngế ki pêt tiu phiu ro ƀă tơngah yă tê tơniăn kô kum kơxô̆ liăn ‘no hrê hên tung pơla rak ngăn.

VOV4.Xơ Đăng - Pêi pro tiô tơdroăng Tơkêa bro “Mơjiâng túa pêi cheăng tơrŭm ki nếo rơtế mơnhông tơƀrê ki pơxúa dêi tơmeăm pê lo ki xiâm, ki hên  ƀă châ tơbleăng troh lâp lu’’, Khu tơrŭm dêi rơpó pêi cheăng tơrŭm kong pơlê Dak Lak hbrâ tơdjêp ƀă mâu khu mơdró tơrŭm tê tơmeăm pê lo ing chiâk deăng ăm mâu khu pêi cheăng tơrŭm.

VOV4.Xơ Đăng - Cho kơpong  tơnêi ai hên túa loăng plâi ton hơnăm môi tiah kơphế, tiu, loăng plâi kâ, rơnó Hơngui xuân cho rơnó tô mơdrăng, kuăn pơlê Tây Nguyên hiăng hmâ ƀă tơdroăng tơdah Têt hlối rak ngăn dêi loăng plâi, tôh têa i hên, loăng plâi a chiâk deăng xông ngiât lĕm, mơhno tơdroăng hơniâp ro rơnó Hơngui.

VOV4.Xơ Đăng - Tu Mrông cho tơring ki xơpá ó dêi kong pơlê Kon Tum ai troh 95% pơ’leăng mâ mơngế Rơteăng. Mâu hơnăm achê kố pêi pro tiô troăng mơnhông pêt nhâ loăng pơkeăng, mơngế Rơteăng rế ton rế khên tơnôu tung pêi chiâk chôa ‘lâng hluăn kơtiê krá tơniăn ƀă pro kro mơdrŏng tơxâng ƀă tơmeăm khoăng ki hiăng ai ing tơnêi, kong ngo, pơlê xiâm kố.

VOV4.Xơ Đăng - Hdrối nah xua pêt tiô túa ton, pêt ukố umê, tơdroăng ki pêt kơtếo a mâu tơring peăng mâ hâi lo ƀă mâ hâi lo pá hdroh kong pơlê Gia Lai ôh tá ‘nhó châ hên. Nốkố, kuăn pơlê mâu hdroâng kuăn ngo a kơpong kố hiăng chôa ‘lâng châ pêi cheăng ƀă kơmăi kơmok chal nếo, xúa mâu túa pêi chiâk deăng tro tiô túa ki pêt kơtếo tung tơbăng deăng ki kân, mê khoh pêi châ hên, tê châ liăn xuân hên há.

VOV4.Xơ Đăng - Hâi lơ 1/2, Khu tơrŭm cheăng kong pơlê Dak Lak tơkŭm po “Hneăng hôp mơdêk rơdêi tê mơdró pơla mâu khu tơrŭm cheăng dêi kong pơlê ƀă khu tơrŭm cheăng Halal Việt Nam’’.

VOV4.Xơ Đăng - Tíu xiâm Hnê mơhnhôk Tơnêi têa rơtế ƀă khu pêi hnoăng cheăng dêi kơ koan tơrŭm cheăng lâp plâi tơnêi Nhuk, dó inâi JICA hiăng lăm pôu ngăn klâng chiâk deăng ƀă séa ngăn tơdroăng pêi chiâk deăng dêi mâu Khu pơkuâ ngăn pêi cheăng tơrŭm tung tơdroăng Tơkêa bro thăm mơdêk ki kơnía dêi tơmeăm pêt tơniăn a mâu kong pơlê kơpong Peăng Kơnhŏng Việt Nam. Ing mê, ăm hlo mâu hdrê prá, alâi, kơchâi, plâi, pôm ki dâi lĕm, tơniăn má môi ăm roh Têt Lo hơnăm nếo Giáp Thìn.

VOV4.Xơ Đăng - Kơxê hâi lơ 30/1 a Hà Nội, Khu xiâm ngăn ‘na chiâk deăng ƀă mơnhông thôn pơlê tơrŭm ƀă Hngêi rak liăn lâp plâi tơnêi ƀă Khu tơrŭm cheăng Mơdêk châu Á tơkŭm po hôp Tơpui tơno mơ’no tơdrêng tiô troăng hyôh rơ’jíu ‘’ Khu tơrŭm cheăng tơnêi têa - ki krê dêi kuăn pơlê mơdêk nếo hriăn plĕng, tơbleăng Tơdroăng tơkêa bro 1 rơtuh ha báu klâng ki dâi lĕm ,’no iâ tê têa ‘mêi’’.