VOV4.Sêdang - Kơxê lơ 25/11, a tíu pêi cheăng Chin phuh, pôa Nguyễn Xuân Phúc, Ngế pro xiâm hnê ngăn tơnêi têa ai roh trâm mâ khu râ kăn teăng mâ 124 khu tê mơdró ai tơmeăm khoăng châ plâh inâi tơnêi têa 2020. Tiô tơbleăng dêi 124 khu tê mơdró ai tơmeăm châ plâh inâi tơnêi têa, tâi tâng pêi lo liăn hơnăm nah dêi mâu khu tê mơdró châ lối 137 rơpâu rơtal liăn, tâi tâng nâp ăm tơnêi têa lối 200 rơpâu rơtal liăn, tăng cheăng pêi ăm lối 471 rơpâu ngế pêi cheăng.

Ngế pro xiâm hnê ngăn tơnêi têa tơdah kơxuô tơmeăm ki tơbâ ing Ho#i đông inâi Tơnêi têa Việt Nam.

Xông tơpui a roh trâm mâ, pôa Nguyễn Xuân Phúc, Ngế pro xiâm hnê ngăn tơnêi têa rơkâu mâu khu tê mơdró ai tơmeăm châ plâh inâi tơnêi têa Việt Nam hơnăm 2020. Ngế pro xiâm hnê ngăn tơnêi têa pơkâ thế, tung la ngiâ mâu khu tê mơdró inâi lâp plâi tơnêi tối krê [a\ mâu khu tê mơdró, ngế tê mơdró Việt Nam tối tơdjuôm pơtối mơnhông hnoăng djâ troăng ahdrối [a\ pơhlêh nếo tơmiêt pêi rơkê tung mot tơru\m lâp plâi tơnêi tơxâng cho tơdroăng vâ mơhnhôk ki kal tung tơdroăng mơjiâng, pơhlêh nếo [a\ mơnhông mơdêk tơnêi têa Việt Nam.

A Sa Ly tơplôu [a\ tơbleăng