VOV4.Sêdang - A Hà Nội, Đăi tươ\ng Tô Lâm, Ngế xiâm pơkuâ Ko\ng an hiăng ai roh tơpui tơno [a\ Đăi tươ\ng Patrushev Nikolay Platonovich, Kăn rah chêh Grup kring vế kong têa Rusi. Pôa Tô Lâm mơhno tơdroăng ki veăng hơlêm [a\ mâu tơdroăng tro lu\p xua pơrea\ng Covid 19 xông tâ tú a Rusi, loi tơngah kong têa Rusi kô re\ng tơkâ hluâ pơrea\ng kân.

Pôa Tô Lâm mơnê kong têa Rusi hiăng to\ng kum mơngế rơkê, tơmeăm khăm pơlât kum châ tơ-[rê tung hbrâ mơdât pơrea\ng Covid 19 a Việt Nam. Pôa Tô Lâm pâ thế péa pâ thăm tơru\m tung kơvâ gâk kring; tơru\m mơdât, tơplâ mơdât mâu tơdroăng tăng ‘nhê tơnêi têa dêi mơngế ‘mêi [a\ mâu ngế xôi ki xông tơplâ, ai khu pú hên, troh lâp lu plâi tơnêi, xua kơmăi kơmok rơxông nếo, ma tu\i, tê mơdró mơngế [a\ hía hé.

Tơtro\ng kơ-êng, tơpui tơno tơdroăng kal, tơru\m to\ng kum, kum dêi pó tung mâu hneăng hôp rêm pâ [a\ mâu khu tơru\m lâp plâi tơnêi ki péa pâ veăng, ki má lối cho mâu hneăng hôp ‘na tơru\m cheăng mơnhâu tơdroăng tơniăn pơlê pơla, tơniăn troăng măng, hbrâ mơdât khu mơngế xông tơplâ [a\ hía hé.

A Sa Ly tơplôu [a\ tơbleăng