VOV4.Sêdang - Tiô pơkâ dêi luât, sap lơ 1 khế 7 la ngiâ kố, mơngế ki păn chu, í pêap ki lơ xúa trếo mơdât ôh tá ăm xúa, mơngế ki ‘nâi nhên kế kâ ki ôh tá krúa la xuân ối rơvât, ối pro, tê ăm vâi rôe kô tro pơxâu phak sap 50 rơtuh troh 200 rơtuh liăn lơ kroăng tung hngêi phâk sap 1 troh 5 hơnăm, thăm nếo kô phâk troh 20 hơnăm. Kố cho mâu kơ lo pơxâu phâk ki nếo tơdjâk troh tơdroăng cheăng pêi ôh tá krúa kế kâ a luât pơxâu phak hơnăm 2015.

Luât 317:  Cho tơdroăng xôi pêi-rak ôh tá krúa kế kâ

            Tâng pro xôi luât pơkâ ‘na pêi-rak krúa kế kâ tiô luât pơkâ nôkố, mơngế ki pêi pro, tê kế kâ ‘nâi nhên ki ôh tá tơniăn tiô pơkâ thế pê krúa, ai pro ‘mêi ó troh ivá mơngế ki rôe kâ, kô tro pơxâu phak sap 1 troh 5 hơnăm, mê  a Luât pơkâ hơnăm 2015 tơdroăng xôi mê kô châ pơkâ nhên tâ.

            Môi tiah, mơngế ki pêi pro, pế pơchên kế kâ tâng pro xôi 4 tơdroăng kô tro pơxâu phak liăn sap 50 troh 200 rơtuh liăn lơ kroăng tung hngêi phâk sap 1 troh 5 hơnăm:

Má môi, tơdroăng pêi pro, xúa trếo ki mơdât oh tá ăm xúa tung pêi pro, pế pơchên kế kâ, ‘măn rak tơniăn kế kâ lơ tê mâu kế kâ ki ôh tá ‘nâi xiâm kối kế kâ ki mê ai rơvât trếo ki mơdât ôh tá ăm rơvât.

Má péa, mơngế ki xúa trếo pơkeăng, khăng sinh, pơkeăng pơlât mơnăn, pơkeăng xôh kơdê ôa hdrong ki mơdât ôh tá rơvât mâu loăng plâi, ôh tá ăm che#m kơpôu ro, chu í, ôh tá ăm che#m ká [ă po ki pro chiâng rơlối trếo hluâ tơdroăng ăm phêp tung kế kâ.

Má pái, mơngế ki xúa mâu túa trếo pơkeăng, khăng sinh, pơkuâ xôh kơdê ôa hdrong pơkeăng ăm re\ng kân, trếo ki pro ‘mêi troh hyôh kong prâi, pá gong inâi châ ăm phêp xúa lơ ôh tá ‘nâi nhên xiâm kối lơ ôh tá tro tơdroăng pơkâ tung pêi pro, uâ mơdiê, ‘măn rak kế kâ. Môi tiah, mâu trếo ki kố xúa tung pêi pêt, rơvât loăng plâi kơchâi pôm, tung păn ro chu í piâp, păn ká xi xo\ng, pro po lơ hên luâ râ trếo ki ăm phêp rơvât tung kế kâ.

Má pu\n, tơdroăng pêi pro kế kâ, ăm lơ tê kế kâ ôh tá ‘nâi xiâm kối, ôh tá tơniăn tiô tơdroăng pơkâ ‘na kih thuât, ai pơkâ ‘na pêi krúa kế kâ, xúa trếo pơkeăng, lơ ôh tá ‘nâi xiâm ing lâi tung pêi pêt, uâ mơdiê, pro pế, ‘măn rak kế kâ. Tơdroăng xúa rơvât mê kô pro ‘mêi troh ivá kuăn mơngế, kơxo# mơngế ki châi ai tơdroăng châi tung châ kô tâk sap 31%  troh 60% lơ pro ‘mêi ivá dêi 2 ngế tơngiâ klêng, la tâi tâng kơxo# ki pro châi tung châ dêi mơngế ki kố sap 31% troh 60%. Tơdroăng pêi pro mê, pro mơngế ki ai xôi châ xo tơ’mot hên kơxo# liăn ki ôh tá tơdrăng le\m sap ing 50 troh 100 rơtuh liăn.

Mơngế ki pro xôi tâng pro ôh tá tro môi tiah nếo tối kơpêng, ai xiâm tơku\m pêi, pro hlâ mơngế, hdrối nah hiăng pro xôi la ối pro xôi nếo, pro xôi hên hdrôh, chiâng rơ-iô [ă hên tơdroăng ki ê, tơdroăng pơkâ pơxâu phâk kô hên ton tâ mê sap ing 3 hơnăm troh a 20 hơnăm, hơ’lêh tơdroăng pơkâ hdrối nah sap ing 3 troh 5 hơnăm môi tiah hiăng chêh tung hla mơ-éa luât ton. Kơxo# liăn pơxâu phâk xuân hên tâ, tâk troh 500 rơtuh liăn.

Gương prế Katarina Nga tơplôu [ă tơbleăng