VOV4.Sêdang - Ô vâi krâ nho\ng o [a\ pú hmâ! Khu xiâm pơkuâ hnê hriâm [a\ hnê cheăng pêi nếo tơbleăng tơdroăng pơkâ kơxo# 01 ‘na pơkâ tơku\m po [a\ tơdroăng cheăng dêi hngêi trung râ má pái phôh thông hdroâng kuăn ngo ai tíu kâ koi ối pơtê. Tơdroăng pơkâ kố xêt khât sap ing hâi lơ 2 khế 3 hơnăm 2016. Tơdroăng tơpui hâi kố tơbleăng mâu tơdroăng xiâm dêi pơkâ kố.

Tiah mê, hngêi trung phôh thông hnê kuăn ngo ai tíu kâ koi ối pơtê châ Tơnêi têa mơjiâng pro ăm mâu kuăn ‘ne\ng hdroâng kuăn ngo ki rêh ối ton hlối a kơpong cheăng kâ rêh ối ki kơtiê xơpá vâ mâu ki mê ah cho mâu ngế ki xiâm vâ pro kăn [o# [ă vâ ai mâu ki rơkê cheăng ăm kơpong kố.

Hngêi trung phôh thông hnê kuăn ngo ai tíu kâ koi ối pơtê ai hnoăng cheăng mơnhông mơdêk cheăng kâ-rêh ối pơlê pơla [ă mơdêk pro tơniăn, kring gak tơkăng kong kơpong kong ngo, kơpong hdroâng kuăn ngo rêh ối.

Hngêi trung phôh thông hnê kuăn ngo ai tíu kâ koi ối pơtê cho túa hngêi trung ki tơviah ai tơdroăng pơkâ hnê râ phôh thong, kuăn ngo [ă ai tíu kâ ối pơtê.

‘Na tơdroăng cheăng dêi hngêi trung phôh thông hnê kuăn ngo ai tíu kâ koi ối pơtê ai pơkâ:

Hngêi trung phôh thong hnê kuăn ngo ai tíu kâ koi ối pơtê ai mâu tơdroăng cheăng pêi dêi hngêi trung pơkâ a Luât dêi hngêi trung râ má pái nôkố [ă mâu tơdroăng pêi tiah kơ’nâi kố:

-Rah xo tro mâu hok tro [ă pro tro tiô pơkâ rêm hơnăm.

-Hnê hok tro ‘na troăng hơlâ dêi hngêi trung, troăng hơlâ to\ng kum hdroâng kuăn ngo dêi Đảng [ă Tơnêi têa, hnê ‘na khôi túa, vêa vong [ă tơdroăng le\m tro ton nah dêi rêm hdroâng mơngế Việt Nam, ‘nâi ple\ng [ă veăng mơnhông mơdêk cheăng kâ-rêh ối a kơpong kơtiê xơpá klêi  hiăng tâi hriâm a hngêi trung.

-Hnê ‘na tơdroăng rêh ối [ă tơdroăng cheăng rêh ối pơlê pơla ăm tơtro [ă hok tro râ má pái kuăn ngo ai tíu kâ koi ối pơtê.

-Hnê cheăng pêi, hnê túa pêi cheăng [ă hnê cheăng pêi tiô tơdroăng ton nah ki tơtro [ă ivá dêi mâu hok tro [ă tiô tơdroăng pơkâ mơnhông mơdêk cheăng kâ rêh ối dêi kong pơlê.

Tơku\m po hnê ăm mâu hok tro pêi mâu hnoăng cheăng, rak tơniăn tâi tâng hok tro dêi hngêi trung châ kâ, koi ối pơtê a hngêi trung.

-Séa ngăn, riên kơxo# hok tro hiăng klêi hriâm rêm hơnăm dêi hngêi trung pơtối hriâm râ ki ê, hriâm lâm kân tâ lơ vêh a pơlê veăng pêi mâu tơdroăng cheăng ki kum pơlê, lơ pêi chiâk deăng vâ pơkâ mâu troăng hơlâ mơdêk ki pơxúa tung hnê hriâm rế tơ-[rê tâ.

Tơdroăng pơkâ: Hngêi trung râ má pái hnê kuăn ngo ai tíu kâ koi ối pơtê, mê cho: Hngêi trung phôh thong hnê kuăn ngo kâ koi ối pơtê râ tơring, hnê râ má péa châ mơjiâng a mâu tơring kong ngo, a chuăn, rơlố têa kơx^, kơpong hdroâng kuăn ngo, hngêi trung phôh thong hnê kuăn ngo ai tíu kâ koi ối pơtê râ kong pơlê hnê râ má pái phôh thông châ mơjiâng pro a mâu kong pơlê, pơlê kong kơdrâm dêi tơnêi têa.

Tâng kal, vâ ai mâu kăn [o# xiâm cho kuăn ne\ng hdroâng kuăn ngo a mâu kơpong ai tơdroăng cheăng kâ-rêh ối kơtiê xơpá, Vi[an hnê ngăn kong pơlê, pơlê kong kơdrâm dêi tơnêi têa kô pơcháu ăm hngêi trung phôh thong hnê kuăn ngo ai tíu kâ koi ối pơtê râ tơring hnê a râ má pái, pơcháu ăm mâu tíu hnê râ phôh thông kuăn ngo ai tíu kâ koi ối pơtê tá hệ dự b^ đăi hok.

‘Na troăng hơlâ to\ng kum hdrối [ă hngêi trung phôh thông hnê kuăn ngo ai tíu kâ koi ối pơtê:

-Hngêi trung phôh thông hnê kuăn ngo ai tíu kâ koi ối pơtê châ ‘no liăn mơjiâng pro mâu hngêi trung, kơ-[ăng tăng, rôe tơmeăm ki xúa vâ hnê hriâm, mơhno djâ thái cô hnê [ă mâu ngế cheăng tung hngêi trung [ă kơxo# liăn vâ pêi mâu tơdroăng mê, tơdroăng hnê hriâm [ă mâu tơdroăng hnê ki kal, tơdroăng hnê hriâm, rak ngăn, păn roăng [ă hnê mâu hok tro.

-Kăn [o# rak ngăn, thái cô, mâu ki cheăng tung hngêi trung [ă hok tro dêi hngêi trung phôh thong hnê kuăn ngo ai tíu kâ koi ối pơtê châ xúa tơdroăng to\ng kum tiô pơkâ dêi Tơnêi têa.

-Vi[an hnê ngăn rêm râ kong pơlê pơkâ tơ’nôm tơdroăng to\ng kum dêi kong pơlê [ă hngêi trung phôh thông hnê kuăn ngo ai tíu kâ koi ối pơtê to\ng kum ‘no liăn mơjiâng pro tơmeăm khoăng, kơxo# liăn ăm thái cô hnê, hok tro vâ hriâm tâp [ă mâu tơdroăng cheăng pêi tung hngêi trung tâng ai.

-Hngêi trung phôh thông hnê kuăn ngo ai tíu kâ koi ối pơtê châ mơjiâng tu\m ivá tiah kơ’nâi kố: Ai tơdroăng tơkêa mơjiâng pro hngêi trung tơtro [ă tơdroăng pơkâ mơnhông cheăng kâ-rêh ối [ă pơkâ mâu tơdroăng tung hngêi trung hriâm hiăng châ khu râ kơpêng k^, tơdroăng tơkêa pro hngêi trung pơkâ nhên mâu tơdroăng, hnoăng cheăng pêi, tơdroăng vâ pêi [ă mâu tơdroăng hnê hriâm, tơnêi tơníu, mâu kơ-[ăng tăng tơmeăm vâ xúa tung hngêi trung, mơngế hnê, mơngế cheăng [ă liăn ngân, troăng hơlâ pơkâ mơjiâng [ă mơnhông mơdêk dêi hngêi trung.

-Hngêi trung phôh thông hnê kuăn ngo ai tíu kâ koi ối pơtê châ hnê drêng ai tu\m ivá tiah kơ’nâi kố: Ai pơkâ mơjiâng hngêi trung, ai tơnêi, ai tơmeăm khoăng tiô pơkâ a luât dêi hngêi trung hriâm nôkố [ă tơdroăng pơkâ dêi luât má 6 dêi pơkâ mê. Tíu mơjiâng pro hngêi trung thế tơniăn ‘na kong prâi, ‘na hnê hriâm, rak tơniăn ăm hok tro hriâm, thái cô hnê, kăn [o# ki pêi cheăng; Ai tơdroăng hnê hriâm [ă mâu hlá mơ-éa hnê hriâm, hriâm tơtro [ă rêm râ hriâm tiô pơkâ, ai mâu thái cô [ă kăn [o# rak ngăn ki rơkê ai hiâm tuăn le\m [ă hriâm kân tâ châ hriâm tiô pơkâ dêi Luât Hnê hriâm [ă mâu hok tro, ai tu\m mơngế tiô pơkâ ‘na túa thái cô vâ hnê [ă thái cô ki rơkê pêi cheăng ‘na tơdroăng hnê hriâm, Ai tu\m tơmeăm liăn ngân tiô pơkâ vâ tơniăn pơtối rak vế [ă mơdêk tơdroăng cheăng hnê hriâm, ai pơkâ tơku\m po [ă pêi tơdroăng cheăng dêi hngêi trung.

Tơdroăng ai pơkâ: Mơngế ki châ rah môi tiah a kơ’nâi kố:

-Cho mâu droh rơtăm, mâu ki pho#m xông kân cho mâu hdroâng kuăn ngo ai hlá mơ-éa rơpo\ng hngêi [ă lăm rêh ối sap ing 3 hơnăm tơngi klêng (riên troh hâi rah xo) a kơpong cheăng kâ-rêh ối kơtiê xahpá tiô pơkâ nôkố.

-Droh rơtăm cho mơngế kuăn ngo ôh tá xê mơngế ki nếo tối mê âi, tâng châ Vi[an hnê ngăn rêm râ kong pơlê pơkâ kơpong ki xiâm vâ rah mâu kăn [o# ăm mâu hdroâng kuăn ngo mê xuân ối tung kơpong rah xo mot hriâm a hngêi trung phôh thông hnê kuăn ngo ai tíu kâ koi ối pơtê. 

- Hngêi trung phôh thông hnê kuăn ngo ai tíu kâ koi ối pơtê chiâng phêp rah xo ôh tá hluâ 5% tung tâi tâng kơxo# pơkâ châ rah xo rêm hơnăm cho kuăn ‘ne\ng Xuăn ai hlá mơ-éa rơpo\ng hngêi ối amê 3 hơnăm tơngi klêng (riên sap hâi rah xo) ối a kơpong cheăng kâ-rêh ối kơtiê xơpá tiô pơkâ nôkố.

Gương tơplôu [a\ tơbleăng