VOV4.Sêdang - Hbrâ ăm rôh hôp má 2, Kuo#k ho#i hneăng má 14, mâu kăn Kuo#k ho#i hiăng trâm mâ kuăn pơlê vâ tơmâng mâu rơkong tơpui tối, pâ thế dêi kuăn pơlê pơtroh ăm Kuo#k ho#i. Laga, ai mâu tơdroăng pơkâ ‘na rôh tơku\m trâm mâ kuăn pơlê dêi kăn Kuo#k ho#i ối iâ, tá hâi mơdêk châ hnoăng cheăng dêi khu kăn Kuo#k ho#i. Malối, nôkố ối ai tơdroăng ki ‘’kuăn pơlê’’ tơkéa vâ tối cho mâu ngế ki châ rah xo, tơbleăng tối ki hmâ veăng a rôh hôp mâu trâm mâ kuăn pơlê, mê tơdjâk troh tơdroăng ki tơku\m po mâu rôh trâm mâ kuăn pơlê dêi khu kăn Kuo#k ho#i a hên râ, hên tíu ối pêi pro tiô túa tê, tá hâi châ tơ-[rê khât. Lại Hoa, ngế chêh hlá tơbeăng cheăng tung Rơ’jiu Việt Nam ai [ai chêh.

         Tơdroăng trâm mâ kuăn pơlê dêi khu kăn Kuo#k ho#i hiăng châ Kơxop mơ-éa luât [ă mâu Luât ki ai tơdjâk troh pơkâ nhên. Ki nhên ga, pêi pro tiô tơdroăng pơkâ ai tơdjâk troh kơxo# 525 pơla Vi [an hnê ngăn Kuo#k ho#i [ă Khu kăn xiâm hnê ngăn Măt tra#n Tơnêi têa Việt Nam. Maluâ ti mê, ki păng ‘nâng ăm hlo, tơdroăng pơkâ mê vâ kring vế tơniăn ‘na tơdroăng, koxo# mơngế kuăn pơlê ki veăng trâm mâ tung mâu roh trâm mâ kuăn pơlê pêi pro tá hâi teăm nhên, tá hâi teăm ai túa ki vâ kum ăm kuăn pơlê châ tơpui tối i rơhí rơhó mâu tơdroăng ki kuăn pơlê pói rơhêng châ tơpui. Tơdroăng ki tơhrâ dêi mâu kăn Kuo#k ho#i, mâu kăn Ho#i đông hnê ngăn kuăn pơlê tá hâi teăm pêi pro tro, xua tá hâi ai tơdroăng ki pơklât thế, vâ tối tơbleăng a ngiâ kuăn pơlê, drêng khu kăn hiăng tơhrâ a mâu roh trâm mâ. Tơdroăng tiâ tiô hiâm mơno kuăn pơlê pói vâ a mâu roh trâm mâ kuăn pơlê tá hâi châ tơleăng mơnhên, tá hâi teăm pêi pro tro tiô hnoăng cheăng séa ngăn dêi khu kăn Kuo#k ho#i. Ki malối, dế nôkố ai tơdroăng ‘’hên khu kuăn pơlê’’, chiâng ai tơdjâk troh hneăng trâm mâ kuăn pơlê a hên râ, hên tíu bu pro tiô tơdroăng ki mơhno tối a ngâ tê, tá hâi teăm pêi pro châ tơ-[rê. Jâ Phạm Thị Trân Châu, ngế pêi cheăng tung khu kăn xiâm hnê ngăn Vi [an Măt tra#n tơnêi têa Việt Nam tối ăm ‘nâi: Pơkâ tíu ki trâm mâ kuăn pơlê tâng ai 100 ngế mê athế ai 50 ngế kuăn pơlê tâ ph^u. Tâng lối 100 ngế mê athế lối 50 ngế kuăn pơlê tâ ph^u. Tâng 50% tiah mê ga ai tơdjâk troh tơdroăng a mâu kơpong kuăn pơlê rêh ối, ôh tá ai hngêi hôp ki lâi bê tu\m tâng lối ai kơdrâm mơngế, la khu kăn Kuo#k ho#i ôh tá xê iâ kuăn pơlê u lâi xuân athế trâm mâ. Tiô á tơmiât, kal athế pơkâ i nhên ‘na tơdroăng kố. Ki má péa, mâu kuăn pơlê ki châ lăm trâm mâ a mâu roh trâm mâ mê athế hơ’lêh đi đo mê nếo ôh tá trâm tơdroăng ki ‘’hên kuăn pơlê’’ lối râ, athế rak vế tơniăn ki iâ 5 hơnăm mê tâi tâng kuăn pơlê ki ối a kơpong pơlê cheăm, tíu pêi cheăng lâp lu pơrá châ veăng trâm mâ, tơpui tơno.

          Tơdroăng trâm mâ kuăn pơlê dêi khu kăn Kuo#k ho#i, mâu kăn Ho#i đông hnê ngăn kuăn pơlê cho tơdroăng cheăng ton troh la ngiâ, ai hnoăng cheăng dêi khu kăn teăng mâ kuăn pơlê, tí xê bu trâm mâ tung 1 hơnăm, 1 hneăng. Pôa Đỗ Duy Thường, kăn xiâm pho\ Măt tra#n tơnêi têa Việt Nam hneăng hdrối tối nhên: Tung mâu hơnăm achê pơla kố, pak^ng trâm mâ hdrối [ă kơ’nâi hneăng hôp, tiô tíu ki tâ ph^u mê cho ki xiâm, tung mê xuân hiăng ai tơdroăng trâm mâ tiô tơdroăng pơkâ thế dêi khu kăn Kuo#k ho#i, trâm mâ, tơpui [ă kuăn pơlê tiô tơdroăng cheăng xiâm, trâm mâ kuăn pơlê a kơpong ki ê, trâm mâ kuăn pơlê ngăn tiô kơ mơngế [ă hía hế. Maluâ tiah mê, pôa Đỗ Duy Thường xuân tối ăm ‘nâi, kal athế mơgêi 4 hơnăm rak vế, pêi pro tiô tơdroăng pơkâ kơxo# 525 ‘na hnoăng trâm mâ kuăn pơlê dêi khu kăn Kuo#k ho#i, tơmâng tôm xo rơkong dêi mâu kăn Kuo#k ho#i [ă Ho#i đông hnê ngăn kuăn pơlê ‘na tơdroăng ki kal [ă châ tơ-[rê tung hnoăng cheăng trâm mâ kuăn pơlê tiô mâu túa ki vâ trâm mâ, tơpui tơno, malối [ă khu kăn Ho#i đông hnê ngăn cheăm: Khu chêh hlá tơbeăng hiăng tối hên tơdroăng, ki hên tâi tâng mâu kuăn pơlê ki rơkê ple\ng, la kuăn pơlê ki châ veăng trâm mâ, tơpui tơno gá tá hâi teăm hên to lâi. Kal athế mơgêi tơdroăng cheăng vâ mơnhên ai pơkâ tiah lâi ăm ga i tơtro [ă châ tơ-[rê, tah lôi mâu túa pêi pro pá kong [ă thăm mơnhông ‘na ki châ tơ-[rê.

         Tiô pôa Bùi Nguyễn Súy, Kăn pho\ tơmâng rơkong kuăn pơlê tơpui tối, cheăng tung Vi [an pơkuâ Kuo#k ho#i, mê tơdroăng ki trâm mâ kuăn pơlê dêi Kuo#k ho#i ối hên tơdroăng ki kal athế tơpui tơno, kal athế pêi pro i tơdrăng khât. Pôa Bùi Nguyên Súy tối ăm ‘nâi, a hneăng hôp má 11, Kuo#k ho#i hneăng 13, Vi [an pơkuâ Kuo#k ho#i châ xo 2 rơpâu 613 rơkong tơpui tối dêi mâu Khu kăn Kuo#k ho#i. La drêng séa mơnhên ngăn ‘na tơdroăng ki tối bu châ lối 914 tơdroăng pơkâ thế vâ hbrâ pơtroh ăm mâu kơ koan ki ai tơdjâk vâ tơleăng mơnhên. Môi tơdroăng ki kal vâ ‘nâi ple\ng akố cho tơdroăng ki chêh xo tu\m têk, tâi tâng mâu rơkong pói vâ dêi kuăn pơlê pơtroh ăm Vi [an pơkuâ Kuo#k ho#i, ti xê bu to mâu kơ koan ki ai tơdjâk troh a mâu tíu xiâm tơnêi têa. Xua ti mê, kal athế chêh mơ’no tơdroăng pơkâ ai tơdjâk troh pơla Vi [an pơkuâ Kuo#k ho#i, Chin phuh [ă Khu kăn hnê ngăn Vi [an Măt tra#n tơnêi têa Việt Nam ai pơkâ nhên, rơhí rơhó tiô troăng ki trâm mâ, tơpui tơno dêi mâu kăn Kuo#k ho#i, khu kăn dêi Ho#i đông hnê ngăn, pro tiah lâi vâ khoh châ kơdroh ‘na tơdroăng ki trâm lối hên kuăn pơlê, lối hên rơkong tơpui tối, pâ thế, vâ mâu kăn Kuo#k ho#i châ tơmâng i nhên rơkong, hiâm mơno pói vâ dêi kuăn pơlê: Tơdroăng pơkâ kal athế chêh tối i nhên ‘na roh trâm mâ, tơpui tơno [ă kuăn pơlê, môi tiah hdrối hneăng hôp, klêi kơ’nâi hneăng hôp, trâm mâ kuăn pơlê tiô kơvâ cheăng, tơdroăng pêi pro [ă tiô khu kuăn pơlê tiah lâi vâ tơdroăng trâm mâ a pơlê cheăm, tíu ki troh trâm mâ athế châ hbrâ rơnáu i nhên vâ tiâ tơno ăm kuăn pơlê ti lâi ki châ tơ-[rê. Xuân ai mâu kăn Kuo#k ho#i ôh tá trâm mâ kuăn pơlê môi ngế mê athế lăm tiô khu kăn tung Kuo#k ho#i, tiah mê, ivá cheăng dêi mâu kăn xuân ối ‘ro. Tâng ôh tá prôk tiah mê, pro tiah lâi tơdroăng trâm mâ kuăn pơlê châ troh a hên tíu, pro tiah lâi chu troh a pơlê vâ tơmâng hên rơkong tơpui tối dêi kuăn pơlê tung lâp tơnêi têa.

          Tơdroăng ki u ối hên mâu kuăn pơlê [ă hên mâu tơdroăng ki tá hâi teăm tro khoh chiâng tơdjâk troh tơdroăng trâm mâ, tơpui tơno dêi khu kăn Kuo#k ho#i, tá hâi teăm châ mơnhông mơdêk tâi hnoăng cheăng dêi tơná khu kăn Kuo#k ho#i. Tơdroăng kố ăm hlo kal athế mơ’no tối pơkâ ki ai tơdjâk troh i nhên mâu tơdroăng trâm mâ kuăn pơlê dêi Kuo#k ho#i, khu kăn Ho#i đông kuăn pơlê. Tung mê, ki rơhêng vâ ‘nâi ple\ng nhên tơdroăng ki tơku\m po mâu kuăn pơlê châ trâm mâ kuăn pơlê kal athế hơ’lêh hên túa cheăng vâ pôi tá ai hên kuăn pơlê lối râ drêng trâm mâ, tơpui tơno. Tơdrêng amê, kal athế ‘nâi nhên tơdroăng trâm mâ kuăn pơlê tiô túa cheăng, kơvâ cheăng khu mơngế vâ kuăn pơlê ai hên roh châ trâm mâ [ă mâu ki rơkê ple\ng, mâu ngế ki hriăn ple\ng ki rơkê kơnía vâ tiâ mơnhên, kô pêi pro tiah rơkong kuăn pơlê hiăng pói vâ, pâ thế.

Nhat Lisa tơplôu [ă tơbleăng