VOV4.Sêdang - Êi xoang cho mơ-êi ki ai têa rơtốu tung krôk môh kl^ng cho môi tơdroăng châi ki hlâ mo, hên ngế tro, a mâu ngế ki pêi cheăng ai tíu hyôh kong prâi ôh tá tơniăn, to kơtâk, ngôi on. Pơreăng kố tơpá pơlât prêi [ă xuân tơ’lêi vêh châi nếo, hnối pro ăm pin ối ôh tá sôk, môi taih: Châi ko, lo têa môh, hâ môh [ă hên tơdroăng ki ê tơdjâk troh tơdroăng rêh ối dêi mơngế ki châi. Mơhé tiah mê, êi tung môh, krôk xuân chiâng vâ hbrâ mơdât tâng pin ‘nâi nhên ‘na gá.

Êi rơtốu tung dế kơxêng môh, tung kl^ng cho mâu troăng ing xoang gá lo pơla mâu troăng môh ki tro mơ-êi lơ mơ-êi kân, hnối tơku\m, pro mơngế ki tro mơ-êi mê ối ôh tá sôk chiâng tơvâ. Apoăng lo kơchêi, lo têa môh, châi ko, châi tuăn, châi tơhe#n tung krôk. Kố cho ki xiâm pro mơngế châi tơ’lêi nhôm tơná châi tơdroăng ki ê, mê ôh tá vâ re\ng khăm pơlât  hmếo pơ rôe pơkeăng ôu pơlât dêi a hngêi. Tơdroăng kố xuân vâ tối, ti lâi tâi tâng mâu ki lăm troh a hngêi pơkeăng pơlât êi rơtốu tung môh xuân hiăng chiâng tơdroăng châi êi tiô rơnó, pá vâ kâi pơlât prêi.

Tiô [ok thái pơkeăng ngăn ‘na kơvâ Tuăn Môh Krôk ăm ‘nâi: Ki xiâm pro chiâng êi rơtốu tung môh, kl^ng, tiô séa ngăn ing rêm ngế ki troh lăm khăm a hngêi pơkeăng, mơ-êi rơtốu tung môh, kl^ng cho ing êi môh, krôk ton hâi xua ôh tá châ ôu pơkeăng pơlât prêi hlối mê gá hiăng chiâng tơdroăng mơ-êi rơtốu tung môh tiô rơnó. Pơreăng kố gá vâ pro pin châi la lâi ôh tá ‘nâi hdrối. Kơ’nâi to lâi măng t^ng ah kô pro chiâng châi a mâ, môi tiah: êi tơlêa a mâ, ai kơtôu amâ, êi tung dế ko, êi ngôa [ă hên tơdroăng châi, êi ki ê. Tâi tâng mâu tơdroăng ki mê xuân rơ-iô tâi, vâ pơlât cho pá [ă thế ôu pơkeăng khăng sinh ki têi, ah pro tơdjâk troh ivá xo ah hmôi.

Khăm ngăn tơdroăng châi mê [ă pơlât êi rơtốu tung môh cho môi tơdroăng kal thế kơdôu mơ-eăm khât dêi mơngế ki châi. Tơdroăng châi ôh tá kâi pơlât prêi mê drêng kố pơlât prêi la troh rơnó ah châi nếo, châi ah prêi, hên hdrôh tiah mê, mơngế ki châi ôh tá vâ pêi pro tro tiô tơdroăng khăm pơlât ăm prêi le\m hlối. Xua mê, vâ hbrâ mơdât êi rơtốu tung môh, kl^ng, rêm ngế thế hbrâ ví [ă re\ng pơlât drêng châ tơngê kơ-o kơ-ôk. Xuân chiâng pâk pơkeăng hbrâ mơdât pơreăng tơngê kơ-o kơ-ôk tung rêm hơnăm, xếo ko\ng rêm hâi, malối klêi rup ko\ng [ă mơngế ki ê. Pôi tá ăm dêi tơná tro hâ môh ton hâi, thế pơlât tro tơdroăng. Thế đi đo xâp ếo tơtô tung rơnó hngiú, malối a rơno\ng, a nuih [ă a môh. Xo kên pâng môh drêng lo pá gong ôh tá xê to vâ ăm tơtô dêi môh mê ối kơdroh pơreăng lơ kơtâk ‘mêi châ mot. Xo têa po kơto tung môh vâ mơgrúa dêi môh, kơhnâ xêa dêi hơne\ng, rơkong a kơxo klêi xông koi [ă a rêm kơmăng hdrối vâ koi, xếo dêi môh vâ pôi tá tro mơ-êi. Mâu ngế ki hmâ châi ‘na tuăn môh krôk thế kơdroh ôu drô [ie#r xua ki mê cho xiâm pro chiâng mơ-êi môh, krôk, kl^ng xua ing mâu kơdrêa tung troăng môh, pro êi. Pôi tá achê [ă hyôh ‘mêi, tơdjâk tung troăng môh krôk, môi tiah: Khía, kơtâk, ngôi hât, ngôi nhăng troh tah tri trô, ngôi rơxế, hyôh trếo pơkeăng [ă hên ki ê. Thế lăm troh a mâu hngêi pơkeăng vâ châ khăm pơlât drêng tâ tơviah tung krôk, tung môh kl^ng. Pôi tá hmếo pơ rôe xêh pơkeăng vâ ôu ah pro chiâng rế rơ-iô ăm tơná.

Malối, rêm ngế kal thế rak vế ivá tơná [ă tơdroăng vâ ăm tơdroăng rêh ối dêi tơná mo le\m, rak vế ivá [ă tơdroăng kâ tô ôu chên. {ă vâi ‘ne\ng mâu tơdroăng kố thăm rế kal pêi pro tro tâ xua ivá ki vâ tơplâ mơdât [ă pơreăng dêi vâi ‘ne\ng ôh tá kâi, tơ’lêi tro châi tung troăng krôk, môh. Khăm ngăn tiô rơnó 6 khế 1 hdrôh cho tơdroăng ki tro má môi.

Gương tơplôu [a\ tơbleăng