VOV4.Sêdang - Rôh hôp má 48 dêi Vi [an pơkuâ Kuo#k ho#i hiăng po tung măng t^ng hiăng hluâ. A rôh hôp kố, mâu kăn hiăng mơdoh chôu phut séa ngăn, ăm rơkong veăng tơpui tối ‘na klêi kơ’nâi séa ngăn ki apoăng pêi pro tơdroăng pơkâ tơnêi têa ‘na mơjiâng thôn pơlê nếo, hneăng hơnăm 2010-2015, [ă tơdroăng ki ‘mêi pêt dêi kơvâ pêi chiâk deăng. Hâi kố, ngin kô tối tơbleăng ‘na tơdroăng mê dêi Vi [an pơkuâ Kuo#k ho#i.

Klêi kơ’nâi hriăn ple\ng ‘na tối tơbleăng [ă tơpui tơno, êng tiâ, ai hên mâu kăn pâ thế tối tơbleăng pro mơnhên tơdroăng mơjiâng thôn pơlê nếo, ing mê hiăng veăng kum mơnhông ‘na tơdroăng rêh ối dêi kuăn pơlê a thôn pơlê hơngế hơngo há lơ tiah lâi? Séa mơnhên ngăn tơdroăng ki ‘no liăn to\ng kum mê hiăng tro há lơ ôh, a mâu kong pơlê, pơlê kong kân, tơring, kơxo# liăn ki ‘no mê hiăng hâi tơtro [ă tơdroăng ki hiăng châ pêi pro há lơ tiah lâi? Jâ Lê Thị Nga, Kăn pơkuâ Vi [an hnê ngăn ‘na luât tối ăm ‘nâi: Ma luâ tơdroăng pơkâ mơjiâng thôn pơlê hiăng pơkâ tiah lâi, châ pêi pro troh dâng lâi la tơdroăng rêh kâ ối, hiâm mơno dêi kuăn pơlê tá hâi teăm châ mơnhông mơdêk hên, mê tơkéa vâ tối, tơdroăng mơjiâng thôn pơlê nếo ôh tá hâi klêi đeăng. Tiô pôa Nguyễn Đức Hiền, Kăn hnê mơhno mâu tơdroăng cheăng tiô kuăn pơlê pói vâ tối tiah kố, vâ pêi [lêi chiâng tơdroăng pêi pro tiô tơdroăng mơjiâng thôn pơlê nếo mê mơngế ki pơkuâ ngăn cho kal păng ‘nâng; xua tiah mê, kal athế séa mơnhên ngăn i trâu hơngế, tu\m tơdroăng, hên túa, ki ma lối kal athế mơ’no mâu tơdroăng cheăng vâ pêi pro tung la ngiâ, mê cho athế hnê mơjiâng khu kăn pơkuâ ngăn thôn pơlê tiah lâi: La ngiâ kố ah, Chin phuh kal athế ‘mâi hơ’lêh tơdroăng pơkâ hnê mơjiâng mơngế pêi cheăng thôn pơlê tiah lâi. Tơdroăng pơkâ dêi Chin phuh tá troh a hơnăm 2020 ki hiăng mơ’no mê cho athế hnê mơjiâng tơdroăng cheăng ăm 10 rơtuh 600 rơpâu ngế pêi cheăng a thôn pơlê. Tung 6 hơnăm nếo châ 4 rơtuh 100 rơpâu ngế, tá hâi teăm châ tơdế. Ki păng ‘nâng, pin tối hiăng châ pêi pro tiô tơdroăng ki séa mơnhên ngăn, la ki xiâm tung tơdroăng ki hnê mơjiâng tơdroăng cheăng ăm mơngế pêi cheăng a thôn pơlê, pro tiah lâi ăm ga tơxâng.

Veăng tơpui tối troh tơdroăng pơkâ dêi tơdroăng tơbleăng, jâ Nguyễn Thị Kim Ngân, Kăn xiâm hnê ngăn Kuo#k ho#i tối ăm ‘nâi, tung kơxo# 20% mâu cheăm ki châ mơnhên tối cho thôn pơlê nếo tung 5 hơnăm hiăng hluâ mê cho mâu cheăm ki djâ troăng ahdrối, achê kơpho#, hiăng ai tơdroăng cheăng kâ tơ’lêi hlâu, ai mâu tơmeăm khoăng ki hiăng châ mơjiâng tơniăn. Tung pơla pêi pro 5 hơnăm la ngiâ, vâ khoh châ tơdế kơxo# cheăm ki châ kơde\n tối cho thôn pơlê nếo cho tơdroăng ki pá puât. ‘Na kơxo# mơngế pêi cheăng, jâ Nguyễn Thị Kim Ngân hiăng pơkâ thế tơbleăng tối kal mơnhên ‘na tơdroăng xing xoăng kơxo# liăn dêi tơnêi têa [ă ph^u liăn dêi Chin phuh ki hiăng mơ’no mơnhên ahdrối, tiô kô tơdroăng ki hiăng ai hlâu xêh [ă cheăng kâ rêh ối dêi pơlê pơla a mâu pơlê cheăm tiô rêm kơpong ngăn ga tiah lâi. Xua tiô tơdroăng tối tơbleăng klêi kơ’nâi lăm mơnhên ngăn, ai mâu kong pơlê, pơlê kong kân ối tiô tơdroăng ki châ kơde\n khe\n, xua mê, mơhnhôk kuăn pơlê athế pêi pro hên tơdroăng cheăng lối râ, ối che\n hên klêi kơ’nâi mơjiâng bro ki kố ki mê, khoh pro chiâng che\n hên [ă tơdjâk troh tơdroăng ki mơjiâng thôn pơlê nếo dêi Đảng [ă tơnêi têa. Jâ Nguyễn Thị Kim Ngân tối rơdêi: Che\n dế nôkố ai 10 rơpâu 200 rơtal liăn, tiô tơdroăng tối tơbleăng ki nếo dêi Chin phuh, tâng mơnhên tối tung kơxo# liăn dêi tơnêi têa, ai tá tơdroăng tơkêa bro [ă ph^u liăn dêi Chin phuh mê tá hâi châ troh tơdế kơxo# liăn dêi tơnêi têa. Laga, pin athế ‘nâi tơdroăng tối tơbleăng kố cho mâu kong pơlê ối che\n hên a 11 kong pơlê kơpong peăng kơnho\ng mê athế riân ngăn 11 to kong pơlê kố, tung tơrêm kong pơlê, kơxo# ki che\n tung tâi tâng kơxo# liăn ‘no cheăng drêng mê nếo ‘nâi hên lơ iâ.

Kăn xiâm hnê ngăn Kuo#k ho#i xuân pơchân tối, tung la ngiâ kố ah, [ă mâu cheăm, tơring hiăng châ kơde\n cho thôn pơlê nếo mê kal athế ai troăng hơlâ ki nhên vâ pơtối rak vế [ă mơnhông mơdêk. Vi [an hnê ngăn Kuo#k ho#i kal athế tơru\m môi hiâm mơno vâ Khu ki séa ngăn pơtối châ mơnhên mâu khu kăn xiâm, khu râ, kơvâ cheăng, kong pơlê, pơlê kong kân kal athế ai hnoăng séa mơnhên ngăn; pơtối hriăn ple\ng vâ chêh tối tơbleăng i nhên tâ, kal athế pêi pro nhên mâu tơdroăng ki hiăng châ chiâng pêi pro, mơhno tối ki xiâm dêi tơdroăng ki ối ‘ro [ă mơnhên hnoăng cheăng ăm khu ki pôu râng dêi tơdroăng cheăng.

Nhat Lisa tơplôu [ă tơbleăng