Kơtăn kố 3 hơnăm, drêng bu châ 18 hơnăm, ngế phâk Nguyễn Trung Cương, ối a bêng Nghĩa Đức, pơlê kong krâm Gia Nghĩa, kong pơlê Dak Nông mot tung hngêi phâk Dak Plao xua pro xôi tơdroăng ki kơdê hlâ mơngế [ă kơ lo phâk ai 13 hơnăm.

Drêng ối cho môi ngế hok tro, [ă tơdroăng ki hriâm chía rơkê, ngăn méa loi nguo#n, Cương châ mâu vâi pú [ă mâu vâi nho\ng o ki rêh ối achê pâ mơjo. Troh 18 hơnăm, tá hâi pêi pro châ tơdroăng ki tơche#ng tơmiât vâ chiâng thái hnê môn Văn, mê pro xôi ‘na tơdroăng ki kơdê vâi tung môi rôh ôu drôu rơtế [ă dêi khu pú.

Mâu [ok thái pơkeăng khăm pơlât ăm mâu ngế ki tro phak châi tamo

Mâu hâi khế ki ối tung hngêi phâk, tuăn hiâm tơmiât, vêh préa, hiăng ai môi hdrôh Cương chêh kơthô pâ rơpo\ng ki gá kơdê hlâ pôi tá ‘nhó. Rêm hdroh nôu, pâ ki hiăng krâ lăm troh pôu ngăn, mơhnhôk, ngế phâk Nguyễn Trung Cương rế préa dêi tơdroăng xôi:

‘’Tung môi rơpo\ng, vâi hía môi ngế tung pơla pin dế ối rêh vâ pêi pro tiô pơkâ phâk, ngế ki á kơdê ôh tá xếo mê á xuân ôh tá tơmiât hên troh hlá mơéa phâk. Tung kố, mâu ngế ki ngăn [ă kăn [o# xuân pro tơ’lêi hlâu to\ng kum kơhnâ, ôh tá tơmiât klâi. Phâk 13 hơnăm la rêm khế nô, pâ lăm pôu, mê á hlo hơ-ui khât, la xuân athế pôu râng dêi tơdroăng ki pro, [ă mơeăm phâk ki tro vâ xo ah hmôi châ lo ối kum rơpo\ng hngêi’’

Tơ-ê [ă Cương, ngế phâk Trần Văn An cho ngế ki liu, ôh tá hmâng tung châ ai hên um chat kho\ng lâp châ, ngế kố tê, roê [ă kơtoâ trếo matu\i mê tro phâk 5 hơnăm. Mâu hâi ki apoăng mot tung hngêi phâk Dak Plao, An hmâ troh chôu ki chik. Ma tu\i hiăng pro châ chăn ngế ki kố bu ối to kéa vâ kơxêng. Châ tơdroăng ki to\ng kum dêi mâu kăn [o#, lêng a tíu phâk kố, rơtế [ă ivá mơeăm dêi tơná, An hiăng kâi mơdât dêi chôu ki chik.

Kơnôm pêi pro tro, mê Trần Văn An châ mơ’no hdrối hâi khế pơkâ ai 2 hơnăm. Bu 4 khế ‘nôi, kô châ vêh dêi [ă rơpo\ng [ă pơlê pơla, An hlo tíu k\phâk hiăng hnê ăm gá hên tơdroăng ki tro:

‘’Mâu hâi ki apoăng, á tơmiât á hiăng pro hía lôi tơdroăng rêh ối tung pơlê pơla kố. Mot tung kố, bu rơhêng vâ pro tiah mê vâ pêi pro tro ‘na tơdroăng ki kroăng phâk, klêi mê vâ vêh rêh ối [ă rơpo\ng hngêi pơlê pơla. Ngế ki vâ mơnê hên tâ, mê cho ngế ki séa ngăn tíu kroăng phâk [ă khu tơru\m kăn [o#, drêng á mot tung kố, mê á tá hâi ‘nâi klâi ôh ‘na luât, drêng mot a kố, á châ hriâm tơ’nôm tơdroăng cheăng, drêng ối a hngêi nah, á xuân ôh tá ‘nâi poê xâk. Xuân mơnê, mơnê troh khu séa ngăn tíu phâk hiăng hnê hriâm ăm ngin chiâng kuăn mơngế ki têm rơpiêt vâ mơeăm vêh ối le\m tro’’.

Trung tă Nguyễn Quốc Thanh, kăn pho\ pơkuâ ngăn Tíu phâk Dak Plao, Khu xiâm pơkuâ 3 ối tung khu xiâm ngăn Ko\ng an ăm ‘nâi, pák^ng tơdroăng ki kum ‘na tuăn hiâm, tíu kố ối tơku\m po ăm mâu ngế ki kroăng phâk veăng pêi cheăng, pêt mơjiâng, tơku\m hnê cheăng pêi, kum ăm mâu ngế ki tro kroăng phâk hlo tơdroăng ki kơnía dêi ivá cheăng. Mâu ngế ki phâk ôh ti xê to châ pơchuât hlá tơbeăng, hmâng Rơ’jiu, tơdah mâu tơdroăng ki kal, pơxúa mê ối châ hriâm khôi túa le\m tro, hnê chư.

Malối, ai mâu ngế ki tro kroăng phâk a tíu phâk Dak Plao pro xôi ki ó, pơkâ phâk troh tá ah lơ to chât hơnăm. Khu kố hmâ trâm tơdroăng ki ôh tá tơmâng, ôh tá vâ ối rêh. Trung tă Nguyễn Quốc Thanh, kăn pho\ séa ngăn Tíu phâk Dak Plao ăm ‘nâi, kăn [o#, lêng tung tíu phâk kố athế pôu râng hnoăng cheăng môi tiah nho\ng o, rơpo\ng hngêi vâi, mơhnhôk vâi, hnê hriâm [ă hơ’lêh vâi chiâng kuăn mơngế môi tiah ngế ki ê:

 ‘’Pin hnê hriâm vâi, ăm vâi hlo ki kơnía git dêi tơdroăng pêi cheăng [ă chêng ko\ng, pêi cheăng tơdrăng, pêi lo kế tơmeăm gá tơpá môi tiah lâi. Má péa cho vâ kum tơná ngế ki pro xôi mê ai tơdroăng cheăng pêi tung pơla pêi cheăng [ă châ hnê hriâm tơdroăng cheăng, tơku\m hnê cheăng ăm mâu ngế ki kroăng phâk vâ vâi hriâm cheăng, drêng hiăng tâi khế hơnăm kroăng phâk vêh [ă pơlê pơla ai môi tơdroăng hmâ pêi ai tơdroăng cheăng vâ pêi tơdrăng, pêi lo kế tơmeăm păn roăng dêi tơná [ă rơpo\ng hngêi’’.

Tung tíu kroăng phâk Dak Plao, [ă lối hr^ng rơpâu ngế phâk ki ê, rêm ngế ai môi tơdroăng rêh ối [ă ai môi tơdroăng xôi ki tơ-ê dêi pó, la a vâi  ai tơdjuôm tơdroăng ki rơhêng vâ châ tơdroăng ki vâ vêh le\m. Kơnôm châ tơmâng ngăn, to\ng kum tung pơla phâk. Rơtế [ă troăng hơlâ ki hơ-ui tah tơdroăng xôi vâi dêi Đảng Tơnêi têa, mâu ngế ki tro pro xôi kô ai rôh vâ re#ng vêh dêi [ă rơpo\ng hngêi [ă pơlê pơla, xut tah tơdroăng ki kơmiê, khên tơnôu vêh ối le\m.

Hoàng Qui chêh

Katarina Nga tơplôu [ă tơbleăng