VOV4.Sêdang - Drêng tơbâ 38 hơnăm Hâi hnoăng cheăng thái cô Việt Nam lơ 20/11, a Hà Nội, Tíu xiâm Khu ngăn vâi kơdrâi Việt Nam tơru\m [ă Khu xiâm ngăn hnê hriâm [ă hnê mơjiâng tuăn ngoâ rơkê, Vi [an Hdroâng kuăn ngo [ă Grup Thiên Long tơku\m po tơdroăng ‘’Tơpui tơno rơtế [ă thái cô’’ hơnăm 2020, khe\n kơdeăn mâu thái cô cho hdroâng kuăn ngo. Pôa Võ Văn Thưởng, Kăn cheăng tung khu xiâm pơkuâ tơdroăng kal kí, kăn pơkuâ ngăn Tíu xiâm Đảng, kăn xiâm khu pơtâng tối tơdroăng kal Tơnêi têa [ă kăn pơkuâ mâu Khu xiâm, kơvâ cheăng xuân troh veăng hôp

Tơdroăng ‘’Veăng rơtế [ă thái cô’’ vâ veăng mơhnhôk, [ă mơhno hnoăng ki mơ-eăm ôh tá la lâi pơtê dêi mâu thái cô, mâu ngế hiăng ‘măn hên hâi chôu, hnoăng mơ’no [ă tuăn hiâm, mơ-eăm tơkâ luâ hên tơdroăng pá, veăng ‘no hnoăng tơná tung hnê hriâm [ă hnê tơ’nôm ăm mâu vâi o rơxông nếo. Tiô ngoh Nguyễn Anh Tuấn, Kăn hnê ngăn Đảng má môi Tíu xiâm Đoân droh rơtăm ko\ng sản Hồ Chí Minh, Kăn hnê ngăn khu droh rơtăm Việt Nam, hơnăm 2020 tơdroăng khe\n kơdeăn 63 ngế thái cô mâu kuăn ngo dêi 26 ngế thái cô kuăn ngo ki hnê kơhnâ rơkê. Tung mê ai 6 ngế thái cô cho khu kuăn ngo ki iâ mơngế (pá xôp 10 rơpâu ngế).

Thái ki hên hơnăm má môi cho thái Thạch Bình Thanh, kuăn ngo Khmer, kot mâ hơnăm 1969, thái hnê Hngêi trung râ má môi Thạch Thía, kong pơlê Vĩnh Long, 33 hơnăm hnê; ngế ki iâ hơnăm má môi cho cô Pi Năng Thị Hải, kuăn ngo Raglai, kot mâ hơnăm 1996, cô hnê hngêi trung Mầm non Phước Bình, kong pơlê Ninh Thuận.

Mê cho mâu thái cô kuăn ngo ki mơ-eăm tơkâ luâ xahpá, hiăng mơ-eăm hnê ăm hok tro ki rêh ối kơpong hơngế hơngo, pá puât, tíu tơkăng kong, kơpong ki tơdroăng cheăng kâ ôi pá puât khât…, ai hên hnoăng tung tơdroăng châ nôu pâ hok tro [ă kuăn pơlê khe\n kơdeăn. Ngoh Nguyễn Anh Tuấn tối nhên:

‘’Pin xuân hlo 63 ngế thái cô hnê mê ki châ kơdeăn khe\n hâi kố, xuân hiăng tơkâ luâ hên hơnăm [ă hiăng trâm hên tơdroăng pá puât, tơvâ tơvân tung hnê hriâm. Ngin ‘nâi nhên tơdroăng mê rêm ngế thái cô akố hâi kố tâ ‘nâi mâu tơdroăng mê veăng hnê tối, mơhnhôk ăm mâu thái cô thăm rế ai ivá mơ-eăm khât [ă tơdroăng cheăng hnê mê kô ai rơpâu ngế, chât rơpâu ngế vâi o ki rêh ối a mâu kơpong xahpá má môi dêi tơnêi têa châ hriâm, pâ hơ-ui, [ă châ vâ hơ’leh kơxo# dêi tơná xuân môi tiah pơlê pin’’.

Pôa Võ Văn Thưởng, Ngế xiâm pơkuâ hnê mơhnhôk cheăng kal kí diâp [âng kơdeăn khe\n ăm mâu thái cô

A leh khe\n kơdeăn, mâu kăn tơmâng tối ‘na tơdroăng rêh ối xahpá tung rơpo\ng hngêi; tối mâu tơdroăng tơkâ luâ mâu hơnăm pá puât, mơ-eăm mơnhông tung rêh ối [ă hnê hriâm, mâu tơdroăng tơmâng tơmiât tô tuăn [ă tơdroăng cheăng hnê hriâm dêi tơnêi têa, tơdroăng mơnhông dêi pơlê [ă hên ki ê. Hnê hriâm a hngêi trung hơngế má môi dêi kong pơlê Điện Biên, cho tíu ki kuăn ngo iâ mơngế rêh ối, cô Phùng Thị Thủy, kuăn ngo Thái, cô hnê hngêi trung Mầm non cheăm Pa Thơm, kong pơlê Điện Biên tối: a Hngêi trung mê hâi ai on tơhrik, hâi ai hyôh phôn, vâ troh a hngêi trung thế to plong lăm hnê, drêng kong mêi thế prôk chêng lối 4 chôu hlối:

‘’Tơdroăng ki ối pâ tung tuăn rôh apoăng drêng lăm troh a pơlê, tơmiât hơ-ui khât drêng troh a pơlê hlo mâu vâi o xahpá, a hlo vâi muăn kuăn cháu hmân ếo oh tá ai vâ xap. La drêng vâi muăn kuăn cháu hlo a, mâu vâi muăn [ă nôu pâ vâi kơtâu troh kuâ á. Ing mê tung hiâm mơno á chiâng rế pâ [ă á tơmiât rơhêng vâ hmâ hnê a hngêi trung ki á dế hnê nôkố. Ing mê, hơnăm ki lâi á xuân pâ hnê a hngêi trung pơlê ki mê’’.

‘Na cô Lý Thị Thu, kuăn ngo Dao, hngêi trung râ má môi cheăm Long Đống, kong pơlê Lạng Sơn, ai 20 hơnăm hnê [ă nôkố dế pro Ngế xiâm pơkuâ đo#i, cô đi đo hơ’leh nếo tơdroăng tơku\m xah hêi trâm mâ dêi đo#i [ă tơdroăng xah hêi dêi vâi o veăng pro tơ’nôm ăm tơdroăng hôp trâm mâ xah hêi dêi vâi o rế ro, tí tăng hlê ple\ng tơdroăng hnê ki pơxúa ăm vâi o akố. Pak^ng mê, mơ-eăm tơru\m [ă mâu rơpo\ng hngêi nôu pâ [ă hok tro vâ mơhnhôk mâu rơpo\ng kuăn ngo mơ-eăm ăm dêi kuăn lăm hriâm a hngêi trung.

Tối hlối rơrêk tung hiâm mơno drêng ô eăng inâi pơ‘lăng troh leh tơbâ Hâi mâu thái cô Việt Nam, cô Lý Thị Thu ăm ‘nâi:

‘’Á hâk tơngăm khât ‘nâng drêng châ tối môi tung mâu thái cô kuăn ngo châ pri mơhá mê. Mơnê kơ khu tơku\m po hiăng kum tơ’lêi hlâu ăm ngin châ trâm tơpui tơno hriâm túa pêi cheăng, châ trâm mâu vâi pú cho mâu kuăn ngo ki lo ing mâu pơlê ki ê tung lâp tơnêi têa. A hlo tíu á pêi cheăng á hnê hiăng pá puât, [ă hok tro hiăng xahpá khât ‘nâng. La troh drêng á trâm vâi pú a mâu kong pơlê ki ê hơ’muăn tối, a hlo dêi tơná ối mơhúa hên tâ mâu thái cô ki ê. Mê xuân cho tơdroăng ki vâ mơhnhôk thế á mơ-eăm khât tâ nếo tung tơdroăng hnê hriâm’’.

Kơ’nâi 5  hơnăm tơbleăng, tơdroăng  mê hiăng khe\n kơdeăn 277 ngế thái cô ki mơ-eăm kơhnâ tung hnê hriâm. Mê cho thái cô ‘’Mơ-eăm hnê kơhnâ a pơlê’’ hnê kơpong hngế hngo, kơpong ối pá puât ‘na cheăng kâ-rêh ối; mâu thái cô dế hnê a mâu tơring chuăn, rơlố ki hngế hngo; mâu thái cô cho mâu kăn [o#, mâu lêng Mô đo#i gak tơkăng kong krâ kơlo\ng ngiât chông djâ chêng o hvêa prôk troh hngêi trung [ă mâu thái, cô hnê ‘na tơdroăng hnê ăm mâu vâi o ki chó chêng tơvê ko\ng; mâu thái cô hnê hok tro cho mâu vâi o hdroâng kuăn ngo.

VOV

 Gương tơplôu [ă tơbleăng