Chin phuh ăm ‘nâi, tiô riân ngăn ai lối 35 rơpâu rơpo\ng kuăn pơlê ki tro tơdjâk xua tung pơla mơjiâng pro, ‘mâi rơnêu mâu tơdroăng tơkêa, po rơdâ troăng kân kơxo# 1 troăng ki prôk tơkâ pơla Thanh Hóa – Cần Thơ [ă troăng kân Hồ Chí Minh, troăng ki tơkâ luâ Tây Nguyên [ă tiô tối, kơxo# liăn chêl thie#n ôh tá xê ối tung tơdroăng baoh hiêm xua ngế ki pơkuâ xo pêi tơdroăng roê ai dâng 167 rơtal liăn.

Xua mê, vâ ai tu\m hlá mơ-éa chêh pro tơtro tối tơbleăng pêi pro, rak tơniăn tơdroăng rêh ối, pêi cheăng kâ dêi mâu kuăn pơlê ki tro tơdjâk, ví tơdroăng ki tro pơsăm tối hên ngế djâ dêi rơpó, Chin phuh pâ thế Vi [an pơkuâ Kuo#k ho#i pêi pro, ăm phêp Khu xiâm ngăn troăng prôk [ă rơxế kơtâu châ xúa kơxo# ph^u liăn Chin phuh dêi mâu tơdroăng tơkêa kố vâ chêl thie#n ăm tơdroăng ki tro lu\p.

Klêi kơ’nâi hôp tơpui tơno, Vi [an pơkuâ Kuo#k ho#i tối tiah kố: Mâu kuăn pơlê ki tro tơdjâk ki hên troh rơpo\ng kơtiê, rơpo\ng vâ chê kơtiê mê tơdroăng re\ng séa ngăn, pơkâ tơleăng mâu tơdroăng ki ối tơvâ tơvân vâ ai túa pơkâ chêl thie#n cho kal khât. Laga, kal châ tơmiât nhên, séa ngăn kơtăng, mơnhên xiâm kối, hnoăng pôu râng dêi tơdroăng cheăng chêl thie#n [ă kơxo# liăn ‘no ăm tơdroăng chêl thie#n.

Xua ki khât gá, tung pơla tối tơbleăng, tơdroăng ki séa ngăn, mơnhên tối hdrối drêng vâ pro, xúa mâu troăng hơlâ tung pơla pro xuân môi tiah pơkâ mâu tơdroăng, kơlo roê baoh hiâm kế tơmeăm ối tung hnoăng pôu râng dêi tơdroăng dêi khu ki xo pêi tơdroăng, khu ki mơjiâng pro.

Xua mê, drêng trâm mâu tơdroăng ki tro lu\p kế tơmeăm tung pơla mơjiâng pro kế tơmeăm mê liăn ngân tơnêi têa ôh tá châ xing xoăng kơxo# liăn vâ pơkâ tơleăng mâu tơdroăng ki kố, vâ mơdêk hnoăng cheăng pôu râng dêi tơdroăng cheăng dêi khu ki xo pêi tơdroăng cheăng, khu ki mơjiâng pro kế tơmeăm tung tối tơbleăng, hbrâ [ă tối tơbleăng pêi pro tơdroăng tơkêa, tơdrêng a mê hnối pro chiâng ai tơdroăng ôh tá tro, kô athế pơkâ tơleăng a hên tơdroăng ối tung kơvâ cheăng ki tơ-ê dêi rơpó, mơdêk pro ăm ai tơdroăng ki hngăm ăm liăn ngân tơnêi têa.

Jâ Tòng Thị Phóng, Kăn xiâm pho\ hnê ngăn Kuo#k ho#i tối tiah kố:

‘’Tơdroăng ki kố tơdjâk tơdrêng troh mâu khu ki xo pêi tơdroăng mơjiâng pro kế tơmeăm xua vâi ai hnoăng rak tơniăn sap ing rôh séa ngăn, kơchuâ chêh tá troh hnê mơhno pêi pro, tá troh tơdroăng cheăng dêi baoh hiêm kế tơmeăm, rak vế, baoh hiâm nếo.

Á hlo tiah kố, tung pơkuâ mê kô tơdjâk tơdrêng pơla khu ki xo pêi kế tơmeăm [ă kuăn pơlê. Ki hdrối tâ, athế pêi tâi ivá dêi mâu kơ koan rak ngăn [ă séa ngăn mâu tơdroăng cheăng dêi mâu khu ki xo pêi mơjiâng pro kế tơmeăm’’.

Vi [an pơkuâ Kuo#k ho#i môi tuăn, tơdroăng ki chêl thie#n xua mơjiâng pro tơdroăng tơkêa bro chiâng ai ki tro lu\p ăm lối 35 rơpâu rơpo\ng kuăn pơlê kal châ pơkâ tơleăng.

Laga, tơdroăng ki kố Chin phuh pơtroh, ôh tá ối tung hnoăng pơkâ tơleăng dêi Vi [an pơkuâ Kuo#k ho#i mê cho ối tung hnoăng pơkâ tơleăng dêi Chin phuh. Kố cho hnoăng cheăng ‘na kuăn pơlê pơla khu ki ‘no liăn cheăng, khu ki xo pêi, mơjiâng pro kế tơmeăm khoăng [ă kuăn pơlê mê athế pêi pro tiô Luât kuăn pơlê, ôh tá xê tơdroăng ki pơkâ tơleăng to\ng kum liăn ngân dêi tơnêi têa.

Tơdrêng a mê, Vi [an pơkuâ Kuo#k ho#i pơkâ thế Chin phuh, mâu khu xiâm, kơvâ cheăng, kong pơlê rơtế [ă tơdroăng ki séa ngăn dêi mâu kăn Kuo#k ho#i [ă Ho#i đồng hnê ngăn hnê mơhno, tối tơbleăng nhên ăm kuăn pơlê ‘nâi vâ pro chiâng tơdroăng ki tơdâng tơ’mô.

Minh Châm chêh

Katarina Nga tơplôu [ă tơbleăng