VOV4-Sedang - Kơxê lơ 28/4, Vi [an kong pơlê Dak Lak ai mơ-éa vâ môi tuăn ăm hok tro tâi tâng mâu râ pơtối vêh hriâm a hâi lơ 4/5, klêi kơ’nâi môi pơla pơtê hriâm vâ hbrâ mơdât pơrea\ng Covid 19. Tiah mê, sap ing hâi lơ 4/5, tâi tâng hok tro mâm non, râ má môi, hok tro mâu lâm 6,7,8; hok tro, ngế hriâm mâu hngêi trung pơtối vêh hriâm. Hdrối mê, sap ing hâi lơ 27/4 hok tro lâm 9, râ má pái [a\ hnê hriâm đi đo dêi kong pơlê hiăng pơtối vêh hriâm.

Thái cô hngêi trung mâm non Tây Nguyên, pơlê kong kơdrâm {uôn Ma Thuột, Dak Lak mơgrúa hngêi trung lâm hbrâ tơnáu tơdah hok tro

Rak tơniăn ăm hok tro pơtối vêh hriâm klêi kơ’nâi môi pơla pơtê hriâm, Vi [an kong pơlê Dak Lak pơkâ Khu pơkuâ hnê hriâm [a\ hnê mơjiâng tuăn ngôa rơkê, Vi [an mâu tơring, pơlê krâm, pơlê kong kơdrâm hnê hnê mơhno mâu tíu hnê hriâm pêi pro kơtăng mâu troăng hbrâ mơdât pơrea\ng; tơdrêng amê hơ’leh pơkâ hnê hriâm tơtro [a\ pơkâ hâi khế hơnăm hriâm.

A Sa Ly tơplôu [a\ tơbleăng