VOV4.Sêdang - Cheăm Tân Sơn ối tung pơlê kong kơdrâm Plei Ku, kong pơlê Gia Lai hơngế ing troăng tơkăng kong, la pơla hdrối nah hmâ ai tơdroăng ki kuăn pơlê kơtâu hdâ tơkâ hluâ ke#n kong têa ê ôh tá tro luât. Laga, to lâi hơnăm achê kố, Tân Sơn ôh to xê to kâi châ mơdât khu ngế kơtâu hdâ tơkâ hluâ ke#n kong têa ê, mê ối tơdah xo, to\ng kum hên ngế ki tro hyông a kong ê, prếo vêh dêi a pơlê pơla, tơnêi têa tơná. Nguyễn Thảo, ngế chêh hlá tơbeăng cheăng tung Rơ’jiu Việt Nam a Tây Nguyên ai [ai chêh tối ‘na hnoăng cheăng dêi khu kăn pơkuâ tung hnoăng cheăng kố a cheăm Tân Sơn.

Khế 6 hơnăm 2013, tơmâng rơkong pơloi heâk dêi khu ‘mêi, tí tăng pơlông djâ, mê Ksor Eli, ối a pơlê Têng 2, cheăm Tân Sơn, pơlê kong kơdrâm Plei Ku tê dêi 2 sao tơdế tơnêi pêt báu, xo 160 rơtuh liăn, kơtâu hdâ ke#n kong têa Kul, klêi mê, kơtâu hdâ troh a kong têa ki má 3, cho kong têa Siam. Tá hâi châ 1 khế kơ’nâi mê, H’Ngọc, mâi Ksor Eli xuân kơtâu hdâ tăng dêi kơnốu. Troh ối a kong têa vâi ê, on veăng Ksor Eli hiăng khéa kho xua hlo tơdroăng rêh kâ ối a kố ga phá tâ rơkong ki tối pơlông le\m niân dêi khu ‘mêi. Xua prế athế lăm rêh ối pá puât tung hngêi ăm mơngế ki pêi cheăng cho kong têa vâi kơtâu hdâ ôh tá tro luât mot rêh ối a kong têa kố vâ ví khu kan sat, pêi cheăng tơbrêi tơbrêh ton châ 12 chôu rêm hâi, la liăn mơhá bu châ luâ tơdế tâng vâ pơchông ngăn [ă mâu kuăn pơlê akố pêi lo. Tung pơla trâm hên tơdroăng pá puât tiah mê, [ă xâo rơxá, on veăng Ksor Eli mơhúa hiăng châ tơpui phôn vêh ngi pơlê cheăm tơná [ă hiăng châ tâng rơkong tơhrâ kô to\ng kum dêi pôa Phạm Phụng, Kăn hnê ngăn Vi [an cheăm Tân Sơn, xua mê, tơniăn vâ prếo vêh dêi a pơlê tơná. Ksor Eli tối: Tơdroăng rêh ối a kong têa Siam trâm hên pá puât [ă xâu rơ-iô, athế lăm pêi cheăng ăm vâi, rêh ối athế hmuâ tung tíu ki pá puât; liăn vâi mơhá pêi cheăng, mơngế Siam môi hâi pêi châ sap ing 700 troh 1000 [ạt, la á pêi cheăng tơbrê tơbrêh bu châ 400 [ạt, bu bê vâ kâ hmê rêm hâi. Klêi kơ’nâi châ tơpui phôn [ă tăm Phụng mơhnhôk on veăng má prếo vêh a Việt Nam. Tăm Phụng tối tiah kố: ‘’Ai tơdroăng klâi pá, tăm kô kum, pó vâi muăn athế prếo vêh hlối, pá ai tơdroăng klâi ôh’’. Klêi kơ’nâi má prếo vêh, tăm Phụng hiăng to\ng kum hên tơdroăng ăm rơpo\ng hngêi á, châ mung liăn [ă pơxiâm mơjiâng tơdroăng rêh kâ ối nếo. Á loi tơngah tơdroăng rêh ối kô chía tơ’lêi hlâu tâ tâng vâ pơchông ngăn [ă tơdroăng rêh ối a kong têa vâi ê.

Châ mơhnhôk prếi vêh dêi a tơnêi têa tơdrêng [ă on veăng Ksor Eli, mê Ksor Nai ối a pơlê Têng 1 xuân hiăng ‘mâi mơnhông dêi tơdroăng cheăng kâ-rêh ối. Hâi ki Ksor Nai tê dêi rơxế honđa [ă xo tâi kơxo# liăn ki hiăng kơd^ng to lâi hơnăm, kơtâu hdâ kong têa ê, jâ H’Lam, nôu Ksor Nai hiăng krôu to lâi hâi xua tô tuăn dêi kuăn lơ trâm tơdroăng xía vâ. Klêi kơ’nâi hiăng châ tơpui tơno [ă dêi kuăn, jâ H’Lam hiăng tối pơtâng ăm khu kăn pơkuâ, kơnôm tơdroăng mơhnhôk, to\ng kum, mê Ksor Nai hiăng châ prếo vêh dêi a hngêi. Klêi kơ’nâi 2 khế pêi cheăng mơhnhôk a pơlê, Ksor Nai tá xê bu to tơniăn châ prếo vêh dêi a hngêi, mê ối cho ngế ki hnê tối, mơhnhôk tơ’nôm pá 6 ngế ki ê ki kơtâu hdâ troh a kong têa vâi ê. Chôu phut kố, tung hngêi trăng ki hiăng ai tu\m mơngế, tâng to rơkong tó, xua hơniâp ro, jâ H’Lam, nôu Ksor Nai hiăng tơniăn tuăn pêi pêt kơphế. Jâ H’Lam tối tiah kố: Drêng Ksor Nai lo kơtâu hdâ kong ê nah, rơpo\ng hngêi ngin khéa hơ’nêng ó, cheăng kâ-rêh ối ôh tá tơniăn, xâu ga lơ hyông, lơ hlâ. Klêi kơ’nâi mê, khu kăn cheăm hiăng châ ‘nâi, châ tơpui phôn [ă ga, [ă hiăng trâm tơpui tơno [ă á. Klêi mê, á xuân hiăng châ tơpui phôn [ă Ksor Nai a kong têa Kul, kơnôm ai khu kăn pơkuâ ngăn cheăm hiăng mơhnhôk ga prếo vêh, [ă ga hiăng tơkêa vâ prếo vêh. Klêi kơ’nâi mê, á lăm tối tơbleăng ăm kăn thôn, ăm khu kăn cheăm to\ng veăng ăm Ksor Nai châ prếo vêh dêi a pơlê. Khu kăn pơkuâ ngăn cheăm, thôn xuân hiăng to\ng kum tơmeăm, môi tiah phái, xup kơxo\ng khăng…

Tân Sơn cho cheăm ki ối kơpong tâ tá dêi pơlê kong kơdrâm Plei Ku, ai vâ chê tơdế kơxo# kuăn pơlê cho hdroâng mơngế Jarai. Mơhé kơtăn hơngế ing tíu tơkăng kong, la rêm hơnăm xuân u ối hlo hên kuăn pơlê kơtâu hdâ troh kong têa vâi ê. Tung péa hơnăm, 2013 [ă 2014, akố hiăng ai 15 hdrôh khu ki kơtâu hdâ troh kong têa vâi ê. La a hơnăm 2015 kố, pá ai xếo mâu ngế ki kơtâu hdâ tơngi kong têa vâi ê. Tá xê to tiah mê, khế 7 hdrối kố nah, cheăm ối mơhnhôk châ 7 ngế prếo vêh dêi a pơlê, kum mơnhông mơdêk pêi cheăng kâ, rak tơniăn ăm tơdroăng rêh kâ ối.

Tiô khu kăn pơkuâ Đảng cheăm Tân Sơn, ki vâ tơ-[rê ăm cheăm châ re\ng mơdât kuăn pơlê lo kơtâu hdâ tơngi kong têa vâi ê, rak vế tơniăn ăm tơdroăng rêh ối kuăn pơlê, mê kal athế ai tơru\m cheăng krá khât pơla mâu kăn pơkuâ [ă mâu râ kơvâ cheăng, vâ tu\m tơdroăng châ re\ng châ hnê tối [ă kuăn pơlê, malối, kho\m châ lông vâ mơdât pôi tá ăm kuăn pơlê kơtâu hdâ ngi kong têa ê. Rêm roh Ko\ng an châ ‘nâi mâu tơdroăng ôh tá tơniăn a mâu pơlê cheăm, mê khu kăn pơkuâ ngăn cheăm pơrá re\ng ăm mâu ngế re\ng chu a pơlê vâ hnê tối, tơpui leăng vâ kuăn pơlê hmiân tung hiâm tuăn. {ă mâu ngế ki kơtâu hdâ kong têa ê prếo vêh, khu kăn cheăm to\ng kum tơdrêng hlối mâu tơdroăng ki apoăng; tơdrêng amê, teăng mâ kuăn pơlê lăm mung liăn, kum kuăn pơlê cheăng kâ ai tơdroăng rêh ối tơniăn. Pôa Phạm Phụng, Kăn pơkuâ hnê ngăn Đảng, Kăn hnê ngăn Vi [an cheăm Tân Sơn, pơlê kong kơdrâm Plei Ku tối: Klêi kơ’nâi mâu ngế tro hyông kơtâu ngi kong têa ê drêng vâi hiăng prếo vêh, ngin rơtế [ă mâu khu râ, kơvâ cheăng dêi cheăm xuân hiăng kum ăm vâi phái, kế kâ [ă mơhnhôk vâi tơniăn tung hiâm mơno. Tâng rơpo\ng ki mê kal vâ mung liăn pêi cheăng kâ, pêi lo kế tơmeăm mê Khu pơkuâ ngăn Đảng, Vi [an kô pêi cheăng [ă mâu Hngêi rak liăn vâ ăm kuăn pơlê châ mung, veăng kum ăm vâi pêi cheăng kâ, tơniăn tung rêh kâ ối.

            {ă tơdroăng to\ng kum dêi khu kăn pơkuâ cheăm, thôn, ing hiâm mơno ki hơ-ui kum, to\ng veăng dêi vâi krâ-nho\ng o tâ tá, mâu ngế ki hiăng prếo vêh hiăng châ troh dêi a pơlê pơla, hngêi trăng, mâu ngế ki châ hdâ troh a kong têa vâi ê mê hiăng thăm ‘nâi nhên, pá ai tíu ki lâi kum ăm vâi ai tơdroăng rêh ối niên hơniâp, sôk suâ hluâ tâ hngêi rơpo\ng, pơlê pơla tơná. Tân Sơn nôkố pá u ái xếo kuăn pơlê ki kơtâu hdâ hmâng vâ troh a kong têa vâi ê, kơxo# rơpo\ng kơtiê hiăng chu kơdroh bu ối 2,4%. Tơdroăng ki tơniăn le\m, phâi tơtô akố ki xiâm cho kơnôm ing ki châ tơ-[rê dêi cheăng kring rak, gak ngăn [ă tơdroăng ki kơdôu mơ-eăm dêi Đảng [o#, khu kăn pơkuâ a pơlê cheăm.

Nhat Lisa tơplôu [ă tơbleăng