Tiô khu kuăn pơlê pêi chiâk [ă khu mơdró kơphế a Tây Nguyên tối, tơdroăng ki mung, pơtuah liăn ki châ kơjo kum mơdrếo laih iâ vâ vêh pêt kơphế tung mâu hơnăm hiăng luâ ối trâm hên pá puât.

Túa chêh pro hlá mơ-éa tơvâ tơvân, mơdrếo liăn laih hên, hơnăm ki thế mơdrếo che\n xuân re\ng ó tâng vâ ngăn [ă ki păng ‘nâng tung pêi cheăng kâ, mâu tơdroăng ki mê cho ki pá má môi pro tơdroăng vêh pêt kơphế tung kơdrum chiâk deăng a mâu kong pơlê ôh tá châ tiô tơdroăng pói vâ.

Dế kal vâ vêh pêt nếo kơphế tung 100 ha ki hiăng krâ tung deăng la tá hâi teăm châ mung, pơtuah liăn, pôa Nguyễn Ngọc Đại, Ngế pơkuâ Ko\ng ti pêi cheăng tiô rơnó, Môi tung khu pêt kơphế Ia Grai, kong pơlê Gia Lai tối:

‘’Tâng vêh pêt nếo kơphế sap ing 100 troh 120 rơtuh liăn mê Ko\ng ti nôkố athế mung liăn ing hngêi rak liăn, la tơdroăng ăm mung liăn ối tơvâ hên tơdroăng, tâng ăm mung vâi bu ăm mung iâ tê ôh tá tro tiô tơdroăng ki Ko\ng ti rơhêng vâ mung. Ki ê nếo ki kal mê mơdrếo liăn laih xuân ối hên ó [ă mâu hngêi rak liăn bu ăm mơdrếo tung pơla 6 hơnăm tê, pơla mê, tơdroăng ki pêi kơphế kal athế ton sap ing 25 troh 30 hơnăm nếo tơngah lơ ai tu\m kơxo# liăn mơdrếo che\n. Kố cho tơdroăng ki pá má môi’’.

Tiô pôa Đào Minh Tú, Ngế xiâm pho\ mơjiâng liăn ăm Hngêi rak liăn tơnêi têa Việt Nam tối, pêi pro tiô tơdroăng pơkâ dêi Chin phuh, Hngêi rak liăn tơnêi têa hiăng kơd^ng kơxo# liăn ki ăm mung ôh tá mơdrếo liăn laih hên ai 12 rơpâu rơtal liăn vâ kum tơdroăng vêh pêt kơphế a Tây Nguyên.

Maluâ ti mê, tá troh nôkố, klêi kơ’nâi 6 hơnăm pêi pro, tơdroăng ki mâu hngêi rak liăn ăm mung liăn bu xiâm lối 700 rơtal liăn, tá hâi châ 6%.

Pôa Đào Minh Tú xuân ai mơnhên tối, ối ai hên tơdroăng ki tá hâi tơniăn  ‘na tơdroăng mung liăn ing mâu hngêi rak liăn:

‘’Vêh pêt kơphế cho troăng hơlâ ki pơkâ thế tro ‘nâng [ă hiăng pêi pro châ 6 hơnăm kố. Laga, tá hâi teăm châ tơ-[rê to lâi [ă ối ai hên tơdroăng ki vâ tơpui tối, pá puât ‘na túa ăm mung liăn, ‘na troăng prôk, tá mâu tơdroăng pơkâ cheăng dêi mâu khu râ, kơvâ cheăng dêi tơnêi têa, mâu kong pơlê, pơlê kong kân xuân ối hên ki tơvâ tơvân’’.

Kơphế cho kơvâ pêt mơjiâng kế tơmeăm ki kơnâ liăn ngân hên má môi a kơpong Tây Nguyên. Tơdroăng ki vêh pêt nếo kơphế, hơ’lêh tơnêi tíu kơphế ki hiăng krâ ôh tá tơtro tiô tơdroăng ki pơkâ thế, ai tơdjâk ôh tá xê iâ troh a tơdroăng pêi cheăng kâ dêi kơpong.

Vâ kum tah lôi mâu tơdroăng ki tơvâ tơvân mê, pôa Tô Lâm, Thươ\ng tươ\ng, Ngế cheăng tung tíu xiâm kal kí, Ngế xiâm pơkuâ ngăn Ko\ng an, Kăn hnê mơhno cheăng Tây Nguyên tối, mâu khu râ, kơvâ cheăng [ă khu kăn dêi 5 kong pơlê, malối [ă mâu hngêi rak liăn kal athế po hneăng hôp, tơpui tơno dêi pó, tah lôi mâu tơdroăng ki ối tơvâ tơvân, tá hâi tơtro:

‘’Troăng hơlâ hiăng châ po rơdâ râ la vâ châ mung liăn ối trâm hên ki tơvâ tơvân ki kố ki mê. Ki kal akố cho túa [ă tơdroăng pro hlá mơ-éa ăm mung, xua lối pro kơtăng luâ râ, kuăn pơlê xuân pá vâ khoh châ mung liăn. Kuăn pơlê, mâu kong pơlê, tơring, cheăm xuân pói vâ mâu hngêi rak liăn athế ‘mâi hơ’lêh túa chêh pro hlá mơ-éa vâ kuăn pơlê, khu mơdró kâ kal pơtối châ mung liăn dêi hngêi rak liăn. Ki kố kal athế châ to\ng kum’’.

Công Bắc chêh

Nhat Lisa tơplôu [ă tơbleăng