OV4.Sêdang - Tung mâu hâi hiăng hluâ, Khu xiâm ngăn troăng prôk [ă rơxế kơtâu hiăng tơku\m po mâu rôh leh ăm rơxế lo kơtâu a drô troăng kân Hồ Chí Minh ki tơkâ hluâ 4 kong pơlê kơpong Tây Nguyên, mê cho Kon Tum, Gia Lai, Dak Lak [ă Dak Nông. Rơhêng vâ dêi mâu kuăn pơlê tung kơpong ki ai troăng prôk ki kân rơdâ, krá le#m vâ mơnhông mơdêk cheăng kâ, hiăng chiâng tơdroăng ki ai khât. Laga, tơdroăng ki xâu rơ-iô xuân u ối, xua ai khu ngế ki ‘nhiu ‘nháu tí tăng gle#ng hmốu [â a mâu rơxế chơ mơngế drô troăng kố, pro chiâng tôu tuăn, ôh tá tơniăn drô troăng prôk, pro rong râ châ chăn mơngế ki to tung rơxế [ă tơ’nhiê kế tơmeăm dêi kuăn pơlê. Hâi kố, ngin kô tối tơbleăng mâu tơdroăng ki u ối mơngế pro ôh tá tro luât kố kal athế tro pơxâu phak.

A măng dế lơ 28 khế 6, drêng dế chơ 34 ngế kuăn pơlê lo ing troăng dêi Gia Lai vâ kơtâu ngi pơlê kong kân Hồ Chí Minh, rơxế kơtâu troh a cheăm Đức Mạnh, tơring Dak Mil, kong pơlê Dak Nông, mê rơxế chơ mơngế krâ inâi 81B – 00278 dêi Ko\ng ti pêi cheăng tíu rơnó chơ mơngế [ă pơto mơngế ôm hyô Thuận Tiến Gia Lai kơdrâ tro 7 ngế vâi rơtăm gle#ng [ă hmốu [â rơxế, chuât pơ’lok môi tiah kong mêi, 3 kơtâ nhe#ng ki hding peăng hnâng pak^ng hiăng tơhneăng tâi tâng, Phan Văn Đoàn, 44 hơnăm, ngế vê rơxế, tro vâi gle#ng hmốu [â nhe#ng péa peăng pá hơ’vá mơni kô chiâng plo\ng mâ xua rong ó a mâ, [ă 4 ngế nho\ng o ki ê to tung rơxế xuân tro rong.

Kơmăng hdrối mê, drô troăng kân Hồ Chí Minh, kơpong tơkâ hluâ cheăm Đak La, tơring Đak Hà, kong pơlê Kon Tum, rơxế chơ tơmốu krâ kơxo# 35 B- 00568 dêi Hngêi rơxế Lục Mùa tro 3 ngế vâi rơtăm ki to rơxế honđa kơtâu tơluâ gle#ng hmốu pro nhe#ng rơxế tơhneăng, mâu  kuăn pơlê ki to tung rơxế bố bố tá xâu rơxá. 

Tíu achê tơkăng kong pơla pơlê kong kơdrâm Kon Tum [ă tơring Đak Hà, kong pơlê Kon Tum tíu ai tơdroăng xía vâ gle\ng hmốu kơmăng lơ 28 khế 6.

Ngoh Đỗ Ngọc Lâm, môi ngế ki hmâ vê rơxế kơtâu troăng hơngế, hmâ kơtâu drô troăng kân Hồ Chí Minh, kơtâu a kơmăng tối ăm ‘nâi, tơdroăng ki rơxế tro gle#ng [â [ă hmốu cho tơdroăng ki xâu păng ‘nâng dêi mâu ki vê rơxế:Drêng vê rơxế tơkâ hluâ kơpong troăng ki mê, ngin xâu păng ‘nâng. Troh a tíu ki ai kơdrâm mơngế ngin kô vê rơxế kơtâu hrá, xuân ôh ti khên tiê ke\ng, mơhé pin xuân ối kơtâu tro tiô luât. Tâng vâi gle#ng hmốu péa pâ hnâng nhe#ng kô tro nho\ng o ki to tung rơxế. Ki xâu má môi, mâu vâi rơtăm ki kơto rơxế peăng péa ngiâ, vâi gle#ng hmốu [â a ngế ki vê rơxế. Xua ngế ki vê rơxế tâng tro rong mâu nho\ng o tung rơxế kô trâm tơdroăng xâu xía ó ki ê nếo.

         Tiô mâu ngế ki vê rơxế hmâ tối, ki pá dêi tơdroăng ki ai khu ngế ‘mêi gle#ng hmốu, xua rơxế hmâ tro gle#ng hmốu a măng dế, a kơpong troăng kong rơvăng, ti ai mơngế, troăng rơnâk, khu ki gle#ng hmốu hmâ tơku\m ối kơdrâm mơngế, mê khu ki vê rơxế ôh ti khên rơdât rup. Tung roh gle#ng hmốu a cheăm Đak Môn, tơring Đak Glei a kơmăng lơ 31 khế 5, mâu vâi rơtăm ki mê ối tối vâ tí tăng xiăn kơdê mâu ngế ki vê rơxế. Peăng khu ko\ng an dêi cheăm kố, mơhé hiăng ăm hên ngế troh akố veăng mơdât, lăm gâk ngăn, tí tăng rup mâu ngế ki hmâ gle#ng hmốu [â rơxế, la xuân ti rơhéa. Thưo\ng tă Mai Anh Tuấn, Kăn pho\ [ơrô Kan sât gak ngăn drô troăng prôk dêi Ko\ng an kong pơlê Kon Tum tối ăm ‘nâi: Drô troăng ki ngin gak ngăn ga xo\n, hơngế, ti xê la lâi nho\ng o ngin tí ki lâi xuân châ gak ngăn tu\m tâi tâng. Mâu ki ‘mêi mê, vâi hmuâ ối ukố umê. Klêi kơ’nâi ôu drôu pou ôh tí ‘nâi dêi tơná pro klâi. Xuân ai mâu ‘nâ xua ai mâu vâi ki ê tí tăng brôk, djâ pro ‘nhíu ‘nháo. Tâng ngế ki lâi hmâ ai pro tơdroăng mê, pin nếo ‘nâi vâ tí tăng êng mơnhên, hnê tối, mơdât, la kố cho tơdroăng ki to ton ai môi xôh.

Ing chôu phut, hâi khế, tíu tơníu, tơdroăng tối tơbleăng dêi ngế ki vê rơxế [ă klêi kơ’nâi lăm êng mơnhên ngăn ăm hlo, mâu ngế ki veăng gle#ng hmốu [â a rơxế pơrá cho mâu ngế ki ối tro hơnăm pho#m xông kân, vâi rơtăm, vâi ki mê hmâ tơku\m ôu drôu pou plâ hâi plâ măng xuân cho mâu ngế ki [a gai má môi dêi pơlê cheăm. Ki xiâm khoh ôh tí kâi châ mơdât tơdroăng kố, cho tá hâi ai tơru\m cheăng krá khât pơla mâi ngế ki vê rơxế; xua mâu khu râ, kơvâ cheăng, khu pơkuâ ngăn tá hâi teăm vâ pêi pro i kơtăng khât. Pôa Lê Trường Lâm, Kăn ko\ng an cheăm Đak La, tơring Đak Hà, kong pơlê Kon Tum tối ăm ‘nâi: Klêi kơ’nâi ai tơdroăng kố, vâi ôh ti vâ tối pơtâng ăm ngin, drêng tâng tối ai mâu ki tro rong, tro trâm xâu rơ-iô, drêng mê ngin nếo ‘nâi vâ to\ng kum vâi, re\ng tăng khu ngế ki ‘mêi ki gle#ng hmốu [â rơxế ‘nhíu ‘nháo mê. Pơla hdrối kố nah, pơchuât ngăn hlá tơbeăng, tơdroăng ki kơto rơxế tơkâ hluâ a Đak La hiăng tro khu ‘mêi gle#ng hmốu, hiăng tối ăm Ko\ng an tơring, la păng ‘nâng Ko\ng an tơring ôh tí châ pơtâng tối klâi tơdroăng kố, xua mê, tơdroăng vâ veăng mơdât khu gle#ng rơxế khoh chiâng pá.

Vêh tối nếo tơdroăng ki gle#ng hmốu [â rơxế chơ kuăn pơlê a tơring Dak Mil, kong pơlê Dak Nông ki ai tơdroăng gle#ng hmốu a kơmăng lơ 28 khế 6, kơ koan Ko\ng an hiăng châ rup Lê Văn Hải, 18 hơnăm, ối a cheưm Dak Rla, tơring Dak Mil. Hải tối dêi, klêi kơ’nâi ôu drôu a môi tíu ôu kâ nha#u a cheăm Đức Mạnh, Hải rơtế [ă 6 ngế pú ki ôu drôu ê brôk dêi pó lo lăm a troăng kân kơxo# 14, tơkôm rơxế kân chơ mơngế tơkâ hluâ vâ gle#ng hmốu ‘’ăm i ro’’.

Pôi tá ai tơdroăng xía vâ tro gle\ng hmốu a rơxế chơ tơmối a troăng kân ki le\m Tây Nguyên

Hdrối mê, apoăng khế 6, Ko\ng an tơring Đak Glei, kong pơlê Kon Tum xuân hiăng hdró khu ngế ki hmâ gle#ng hmốu, hiăng châ rup 5 ngế ki hiăng pho#m xông kân ối a pơlê Brông Mỹ, cheăm Đak Môn, tơring Đak Glei gle#ng hmốu pro tơhneăng nhe#ng 6 toăng rơxế chơ mơngế [ă pro 1 ngế vâi hdrêng tro rong. Tiô pôa Trương Văn Doãn, mơngế hnê ngăn ‘na luât tối, tơdroăng pro xôi kố kal athế châ tơleăng i kơtăng khât vâ pôi tí ai xếo mâu tơdroăng ki pro xôi tiah mê, ti xê bu pơxâu phâk to [ă liăn ngân tê:Tiô á, drêng châ ‘nâi ai mâu ngế ki gle#ng [â rơxế chơ mơngế, hơnăm mâu vâi ki mê pơrá pơxiâm pho#m vâ xông kân. Mơhé hơnăm vâi ki mê tá hâi xông rơtăm khât, la ngăn tiô kơ tơdroăng ki vâi ki mê hmâ pro xôi, vâi gle#ng [â rơxế chơ mơngế hiăng hên xôh, tơkéa vâ tối, vâi ki mê hiăng ai xôi kân, tơxâng vâ rup tơleăng. Tiô tơdroăng á tơmiât, tơdroăng xôi dêi mâu ki mê pro cho pro xâu xía ăm pơlê pơla, tiô á, kal athế tơleăng [ă phak ăm vâi pêi cheăng tung to lâi hơnăm ‘nôi, vâi vâ ‘nâi s^ng hmréa.

Klêi kơ’nâi ai khu ngế ki gle#ng hmốu [â a rơxế chơ mơngế a drô troăng kân Hồ Chí Minh ki tơkâ hluâ kơpong Tây Nguyên ăm hlo, vâ pôi ti ai tơdroăng kố, [ă mâu ngế ki hiăng châ rup mê, kal athế pro kơtăng, rup tơleăng vâ khoh châ mơdât tơdroăng ki vâi pro xôi, hnối hnê tối ăm vâi ‘nâi nhên ‘na luât. Pak^ng mê, kơ koan ki ai tơdjâk troh, khu kăn pơkuâ, mâu kơvâ cheăng a kong pơlê, tơring, cheăm kal athế tơru\m cheăng krá khât [ă mâu rơpo\ng ki ai kuăn ‘ne\ng ki xôi mê vâ hnê tối, pơkuâ ngăn vâ hơ’leh tơdroăng ki vâi hmâ pro mê. Pak^ng mê, [ă mâu ki vê rơxế, drêng vê rơxế chơ mơngế kơtâu drô troăng xuân athế kal rak vế tro luât [ă ai tơdroăng ki pro ‘ló tơdroăng drêng kơtâu rơxế drô troăng, pôi ti pro mâu vâi ki ê chiâng hêng hôu, môi tiah hdró, tơbriât troăng, tơluâ hmâng to lo vâ, lơ tiê ke\ng pơ’lok pơ’lâ, lơ séa on pro kơnhéa mâu ki kơto rơxế pá ngiâ drêng tơluâ.

Nhat Lisa tơplôu