VOV4.Sêdang - Peăng xêi lơ 17/5, a Hà Nội, Khu xiâm hnê mơhno cheăng dêi tơnêi têa ‘na tơplâ mơdât kâ kơluâ hiăng pêi cheăng [ă Khu kăn ngăn cheăng Đảng dêi Hngêi tơleăng xiâm ‘na tơdroăng tối tợbleăng hlá mơ-éa chêh tối ‘na ki hiăng châ xo mơdrếo tơmeăm ki khu ngế kâ kơluâ, hía hot tung mâu tơdroăng ki xôi kân, kâ kơluâ, kâ kơhveăm ‘na kế tơmeăm dêi tơnêi têa.

Xông tơpui a chôu phut pêi cheăng mê, pôa Trương Hòa Bình, Ngế pro xiâm pho\ hnê ngăn xiâm Chin phuh tối nhên, mâu hơnăm achê pơla kố, tơdroăng ki châ hlo, châ ‘nâi tung rup tơleăng khu ngế kâ kơluâ liăn ngân tung tâi tâng khu xiâm pơkuâ cheăng kal kí hiăng ai tơdroăng ki hơ’lêh nhên khât, châ kuăn pơlê hâk mơnê. Maluâ ti mê, tơdroăng cheăng ki mơdrếo tơmeăm khoăng xuân tá hâi teăm châ tơtro tiô kơ tơdroăng ki pơkâ thế.

Ngế pro xiâm pho\ hnê ngăn tối tiah kố, kơnôm ing tơdroăng séa mơnhên ngăn kố kô kum ăm Khu xiâm hnê mơhno cheăng dêi tơnêi têa ‘na tơplâ mơdât kâ kơluâ châ mơnhên tối mâu tơdroăng ki ai păng ‘nâng, tí tăng ngăn xiâm kối, mơhno tối mâu troăng hơlâ ki tá hâi teăm tơtro, ôh tá tơ’ló vâ tơngah pâ Khu xiâm ngăn cheăng kal kí, Khu xiâm hnê mơhno cheăng ai troăng hơlâ ki tơtro vâ tah lôi mâu tơdroăng ki ối tơvâ tơvân tung mơdrếo tơvêh liăn ngân, kế tơmeăm [ă khu ngế ki pro xôi kâ kơluâ, kâ kơhveăm.

Nhat Lisa tơplôu [ă tơbleăng