VOV4.Sêdang - Ô vâi krâ nho\ng o [ă pú hmâ! Ôh tá xê to a tơring Tuy Đức, hên mâu tíu ki ê tung kong pơlê Daknông hiăng hlo rế hên mâu tíu pêt kơchâi, tê mơdró, pro kế kâ krúa. La xuân ối hên khu mơdró, pêi pro, tê mơdró kơchâi kế kâ ôh tá krúa, xúa kâi rơhêng kơ liăn, ôh tá vâ tơmâng troh tơdroăng ki pro tơniăn ăm ivá mơngế ki rôe kâ. Drêng troh khế mơhnhôk pêi krúa kế kâ hơnăm 2016. Ngế chêh hlá tơbeăng ai kơ-êng {ok thái pơkeăng Nguyễn Tấn Thành, kăn ngăn ‘na pêi krúa kế kâ kong pơlê Daknông ‘na mâu tơdroăng hnê, mơdêk séa ngăn, lăm troh hlo tíu tê mơdró kế kâ. Pó vâi krâ nho\ng o kô tơmâng.

            *Ô [ok thái pơkeăng Nguyễn Tấn Thành, tung khế mơhnhôk pêi krúa kế kâ, Daknông thế tơmâng pêi mâu tơdroăng klâi?

            {ok thái pơkeăng Nguyễn Tấn Thành: {ă tơdroăng pơkâ pêi dêi hơnăm kố, cho pơtối mơdêk pê pêt tê mơdró kơchâi, hơ’nêh krúa, mê ngin tơku\m pêi khât. Má môi cho tơdroăng hnê tối thế pêi kế kơchâi krúa, mê rêm tíu pêi pêt kơchâi krúa sap ing kong pơlê tơku\m po leh mơhnhôk khế pêi kơchâi krúa vâ mơhnhôk tâi tâng kuăn pơlê tung cheăm veăng pêi, rơtế [ă dêi rơpó pêi kơchâi krúa tơniăn ăm ivá rêm ngế tung kong pơlê. Ki xiâm pôi tá ăm ai ngế tro hơ-ôu kế kâ, pôi tá ăm ai ngế xúa kâ kơchâi ah chiâng tâ tú mâu tơdroăng châi ki ê ing kế kâ ôh tá krúa. Má péa, cho hnoăng cheăng pêi đi đo, mê cho tơdroăng cheăng séa ngăn pêi krúa kế kâ. Ing kong pơlê troh a cheăm, tơring, troh cheăm bêng xuân mơjiâng khu pêi cheăng séa ngăn sap ing lơ 15 khế 4, troh lơ 15 khế 5 hơnăm 2016.

            *Nôkố, mơngế rôe kâ tô tuăn păng ‘nâng ‘na xúa trếo ki mơdât ôh tá ăm xúa tung păn mơnăn, kơchâi plâi hên h^n trếo pơkeăng, lơ kế kâ xuân xúa rơvât mơngiơk hên. Tiah mê pro ti lâi vâ tơdroăng hnê tối tơku\m vâ hơ’lêh ki hlê ple\ng [ă tơdroăng pêi pro dêi mơngế ki pêi pêt, tê mơdró ôh tá xê to mơngế ki rôe xúa?

         {ok thái pơkeăng Nguyễn Tấn Thành: Tung mâu rôh séa ngăn mâu tíu tê mơdró, mâu tíu tê pro pơchên kế kâ hmâ trâm mâu tơdroăng ki xôi môi tiah ôh tá truâ ko\ng dế pêi cheăng chiâng ôh tá krúa, ôh tá rak vế tro tiô luât pơkâ, klêi mê ôh tá vâ tơmâng khât tung tơdroăng khăm ivá tiô rơnó ăm mơngế ki pêi cheăng [ă hên tơdroăng ki ê. {ă môi tơdroăng xôi nếo hmâ trâm mê cho hên mâu tíu pêi pro tê mơdró kế kâ, ki ‘nâ tơdroăng pro mơgrúa hyôh tâ tá a tíu tê mơdró ôh tá tơniăn to lâi. Xuân athế ngăn nhên tiah kố, Daknông hâi ai ngế ki lâi hơ-ôu kế kâ ki lâi pro hlâ mơngế [ă hâi ai pơreăng tâ tú ki lâi tâ tú hên ing kế kâ ki oh tá krúa’’.

          *Mâu rôh lăm séa ngăn tơdrêng ai ngế ki ‘nâ ‘nâi tối ăm vâi hdrối mê tơdroăng vâ châ rup tơdrêng tơpá khât?

         {ok thái pơkeăng Nguyễn Tấn Thành: Tơpá khât! Xua tơdroăng cheăng séa ngăn ai hên túa môi tiah khế mơhnhôk pêi krúa, Trung Thu, Tết hơnăm nếo, klêi mê pơkâ khu lăm séa ngăn dêi kơvâ cheăng lăm ngăn tiô pơkâ tung rêm khế mâu túa pêi pro, tơdroăng pơkâ drêng lăm séa ngăn thế tối tơbleăng ăm mâu tíu pêi pêt kơchâi, păn chu, pế pơchên kế kâ ối pêi tơdrêng cho drêng tối tơbleăng ai tíu pro xôi mê nêo pơkâ lăm ngăn tơdrêng. Drêng tơbleăng lăm ngăn, drêng mê mâu tơdroăng tối vâ lăm séa ngăn tơdrêng mê ôh tá kí, tâng khu lăm séa ngăn troh vâi hiăng ‘nâi hdrối [ă vâi châ u-ê tâi, mê chiâng pá vâ châ ‘nâi.

*Tơdroăng cheăng hnê tối tung khế kal ‘nâi tơmâng khât troh mâu tơdroăng klâi?

{ok thái pơkeăng Nguyễn Tấn Thành: Ngin tơku\m a tơdroăng ki xiâm dêi khế mơhnhôk pêi pro mê. Pro ti lâi vâ mơngế rôe xúa [ă rêm ngế tung kuăn pơlê má môi cho ‘nâi rah rôe mâu kơchâi kế kâ krúa, tíu tê kơchâi krúa ki vâi hmâ ô eăng [ă túa ‘măn râk kế kâ krúa tro tiô tơdroăng. Má péa, tối mâu tơdroăng ăm tâi tâng kuăn pơlê vâ rơtế [ă dêi rơpó to\ng kum, kum dêi rơpó tơdroăng cheăng tơchoâm cho pro tơniăn pêi krúa kế kâ, pro ti lâi vâ rêm ngế kuăn pơlê, rêm ngế ki rôe xúa xuân cho môi ngế veăng pêi cheăng tối tơbleăng ăm mâu tíu tê mơdró kơchâi kế kâ ki ôh tá krúa vâ hbrâ ví. Tối ăm mâu kơ koan khu râ pơkuâ cheăng ‘nâi mâu tíu pêi ôh tá krúa kế kâ vâ khu râ pơkuâ cheăng teăm pơxâu phâk mâu tíu ki pro xôi.

         *Tiah mê drêng châ ‘nâi pro xôi kô tơ’lêi tro hơ-ôu kế kâ mê kuăn pơlê tối tơbleăng ăm kơ koan khu râ pơkuâ cheăng môi tiah lâi?

         {ok thái pơkeăng Nguyễn Tấn Thành: Drêng châ ‘nâi mâu tíu pro xôi, kuăn pơlê thế tối tơbleăng ăm mâu tíu ngăn pơkeăng lơ mâu kăn ki achê mê. Lơ tối ăm ngin tiô 2 kơxo# phôn ki xiâm dêi khu ngăn ‘na pêi krúa kế kâ mê cho kơxo#: 0905.743.065 [ă 0905.743.056. Drêng tâng krếo kơxo# ki kố, Khu ngăn ‘na kế kâ krúa kô ai troăng hơlâ vâ teăm mơdât pơxâu phâk mâu tíu tê mơdró ôh tá krúa kế kâ ki kuăn pơlê tối tơbleăng ăm.

         Êng: Hôm, mơnê kơ [ok thái pơkeăng hiăng veăng tơpui tơno ‘na tơdroăng kô.

Gương tơplôu [ă tơbleăng