Bảo Lộc cho môi tung mâu pơlê kong kơdrâm châ ngăn cho ôh tá tơniăn ‘na tơdroăng kring gâk, malối cho tơdroăng tong [ă tơdroăng ki pro xôi Luât troăng prôk dêi Lâm Đồng. Hlo ai tơdroăng mê, Ko\ng an pơlê kong kơdrâm Bảo Lộc hiăng tí tăng ‘nâi ple\ng ăm râ kăn Đảng, khu kăn pơkuâ kong pơlê tối tơbleăng túa pơkâ krâ ‘măn camera séa ngăn tơdroăng xôi, kum ăm hnoăng cheăng rak vế [ă rak tơniăn tơdroăng kring gâk a bêng Blao pơlê kong kơdrâm Bảo Lộc hiăng mơdêk châ tơ-[rê, kum khu lêng ko\ng an ‘nâi nhên hên tơdroăng kal, kum ăm hnoăng cheăng tơplâ mơdât mâu ngế ki pro xôi. Pôa Đặng Quang Giàu, kăn hnê ngăn Vi [an bêng Blao, pơlê kong kơdrâm Bảo Lộc, ăm ‘nâi: Môi hơnăm kố khu lêng ko\ng an tối tơbleăng tơdroăng ki krâ camera kố xuân hiăng châ hlo hên rôh pro xôi tung kong pơlê. Troh nôkố, kuăn pơlê tung kong pơlê hiăng loi tơngah [ă môi tuăn [ă túa pơkâ mê. Ngin kô pơtối mơhnhôk mâu khu mơdró, [ă mâu khu ki ai tuăn hiâm hơ-ui pâ pơtối tơlo liăn tung tơring Bảo Lộc.

Bêng Blao ai 3 rơpâu 200 rơpo\ng, lối 12 rơpâu 600 pơ’leăng mâ mơngế, tung mê ki hên cho mâu ngế pêi cheăng sap ing mâu tíu ki ê troh ối. Tơdroăng kring gâk tung bêng ôh tá tơniăn, tơdjâk troh tơdroăng rêh ối cheăng kâ, pro tuăn hiâm kuăn pơlê ôh tá tơniăn. Sap ing hâi ki ai túa pơkâ krâ ‘măn camera séa ngăn, mâu tơdroăng ki pro ôh tá tro tung pơlê pơla [ă mâu tơdroăng ki pro xôi luât hiăng kơdroh, mâu ngế ki pro xôi hiăng rế ôh tá hlo xếo, tơdroăng ki tâi tâng kuăn pơlê rak vế kring gâk xuân châ mơdêk hlo nhên. Thie#u tă Hà Duy Tân, kăn pơkuâ Ko\ng an bêng Blao, pơlê kong kơdrâm Bảo Lộc, tối: Môi tung mâu túa pơkâ hbrâ mơdât mâu ngế ki pro xôi hiăng hlo pro ai pơxúa khât, kum ăm hnoăng cheăng tơplâ mơdât mâu ngế pro xôi cho túa ki krâ ‘măn camera. ‘Na túa pơkâ pêi kố ngin xing xoăng krâ ‘măn camera a mâu tíu rêh ối pơlê pơla [ă tối tơbleăng hbrâ mơdât mâu ngế ki pro xôi, xuân môi tiah hnoăng cheăng hbrâ mơdât. Ing tơdroăng pơkâ pêi túa pơkâ kố hiăng hlo châ tơ-[rê khât, châ hlo hên ngiâ méa mâu ngế ki nhôm pro xôi vâ hbrâ mơdât, tăng rup mâu khu pro xôi.

Troh nôkố, túa pơkâ krâ camera séa ngăn a bêng Blao, pơlê kong kơdrâm Bảo Lộc hiăng tơ’mot hên kuăn pơlê veăng kum. Drêng ai ngế ki tong, pro ôh tá tơniăn, pro xôi ‘na troăng prôk mê túa pơkâ kố hiăng pro ai pơxúa khât ăm hnoăng cheăng tơplâ mơdât mâu ngế ki pro xôi. Nôkố mâu tíu ki xiâm dêi tơdroăng pro ôh tá tơniăn, mâu tíu ki ôh tá tơ’niăn ‘na troăng prôk [ă a mâu kơpong hngêi ki ăm vâi mung ối a bêng Blao pơrá hiăng châ pêi klêi tơdroăng ki krâ camera vâ séa ngăn. Pôa Cao Minh Đức, ối a bêng Blao, pơlê kong kơdrâm Bảo Lộc, tối: Klêi kơ’nâi ko\ng an bêng tơru\m [ă Vi [an krâ ‘măn camera vâ rak vế tơniăn mê á hlo gá tơ-[rê khât. Drêng mâu ngế ki pro xôi rơhêng vâ pro tơdroăng klâi ‘lo, mê vâi hlo ai camera, mê ôh tá khên.

Túa pơkâ krâ camera séa ngăn tơniăn dêi bêng Blao, pơlê kong kơdrâm Bảo Lộc hiăng pro ai pơxúa khât tung tơ’noăng tâi tâng kuăn pơlê kring gâk tơnêi têa. Túa pơkâ kố ôh ti xê to pro pơxúa tơniăn ăm kuăn pơlê, ki kal tâ cho hiăng mơdêk ivá tơku\m tơru\m tung tơdroăng ki veăng hbrâ mơdât mâu ngế pro xôi, rak vế tuăn hiâm kring gâk tơdroăng kal kí [ă tơniăn tung pơlê pơla.

Katarina Nga tơplôu tơbleăng