VOV4.Sêdang - Hlo mâu tơdroăng ki tô tuăn dêi kuăn pơlê ‘na hơnăm hriâm nếo 2015-2016, liăn nâp baoh hiâm khăm pơlât dêi hok tro, sinh viên tâk 1,5 hdrôh tâng vâ pơchông [ă hơnăm nah, [ă hnối nâp 1 hdroh (15 khế) hlối a poăng hơnăm hriâm nếo pro pá ăm hên rơpo\ng hngêi, kơvâ hnê hriâm hiăng ai mâu troăng hơlâ hnê mơhno vâ mâu hngêi trung nâp hên xôh. Laga, tiô rơkong tơpui tối hên mâu vâi nôu pâ dêi mâu hok tro, kố bu cho ‘’tơdroăng pro tiah ton, la túa pơkâ pro ki nếo’’, tâi tâng kơxo# liăn nâp xuân ối môi tiah mê, bu ai túa ki thâ thế re\ng nâp. Ngế chêh hla tơbeăng Thu Hiền ai chêh tối ‘na tơdroăng kố.

            Tiô baoh hiêm pơlê pơla Việt Nam, hơnăm 2015-2016 cho hơnăm apoăng pêi tiô pơkâ 105 dêi Chin phuh [ă kơxo# 41 dêi khu xiâm ngăn ‘na liăn ngân, Khu xiâm ngăn ‘na khăm pơlât nâp kơlo baoh hiêm khăm pơlât [ă mâu hok tro, sinh viên sap hâi lơ 1/1/2015 tơ’mô 4,5% kơlo liăn khế kâ a cheăm. Tung pơla pêi hiăng ai 8 to kong pơlê, pơlê kong kân xo tơvêh môi hdrôh 15 khế. Jâ Nguyễn Thị Minh, Kăn pơkuâ baoh hiêm pơlê pơla Việt Nam ăm ‘nâi: Vâ tối nôkố túa tơku\m pêi a 8 to kong pơlê hâi tí tăng ‘nâi ple\ng nhên tơdroăng púi vâ dêi kuăn pơlê, la xo môi hdroh 15 khế cho lối hên, mê ngăn tiô kô tơdroăng púi vâ dêi kuăn pơlê vâ ‘mâi hơ’lêh. Tâng kuăn pơlê vâ nâp 15 khế ôh tá tơvêh liăn mê vâ klâ hên hdrôh nâp mê thế lôi, tâng mâu nôu pâ hok tro ki lâi xahpá, khu ngăn pơkeăng, kơvâ ngăn ‘na baoh hiêm pơlê pơla thế tơpui tơno [ă kơvâ ngăn ‘na hnê hriâm thế pêi pro tro tiô tơdroăng púi vâ dêi kuăn pơlê.

Kơ’nâi môi măng t^ng ai hlá mơ-éa hnê dêi Baoh hiêm pơlê pơla Việt Nam, Khu xiâm ngăn ‘na hnê hriâm [ă hnê mơhno hiăng pơkâ thế mâu kong pơlê, hngêi trung pro tơdroăng xo baoh hiêm khăm pơlât dêi hok tro, sinh viên pơtối 3 khế mơ’nui hơnăm 2015, troh hơnăm kơ’nâi, kô xo 6 khế môi hdrôh. La, hên ngế tối tiah kố, tơdroăng klâ hên rôh xo baoh hiêm khăm pơlât dêi hok tro, sinh viên tiah mê xuân ôh tá kơdroh ki pá ‘na liăn ngân ki kuăn pơlê vâ nâp, xua tung tâi tâng kơxo# liăn thế nâp rôe xuân ôh tá hơ’lêh. Nâ Nguyễn Thị Hương, ối a pơlê krâm Hoàng Mai, Hà Nội, tối: A hlo, tơdroăng xo nâp [aoh hiêm khăm pơlât klâ pro 2 pái rôh xuân ôh tá kơdroh tơdroăng ki pá. Kơxo# liăn a dế nâp baoh hiêm khăm pơlât ăm dêi kuăn xuân môi tiah mê ôh tá hlo ai phá ki klâi. Tô tuăn má môi ti lâi lơ xêo liăn xo nâp baoh hiêm khăm pơlât 4,5% dêi liăn khế kâ ki iâ má môi. Mâu kuăn ‘ne\ng lăm hriâm hâi pêi ki klâi, tu\m tơdroăng xuân kơnôm to nôu pâ che#m mơ’rêh dêi.

            Hlá mơ-éa hnê pêi pro dêi Khu xiâm ngăn ‘na hnê hriâm [ă hnê mơhno xuân chêh i nhên tơdroăng tơku\m xo liăn nâp baoh hiêm khăm pơlât dêi mâu hok tro, sinh viên tiô 2 rôh tung hơnăm [ă pơkâ thế mâu hngêi trung hiăng xo môi hdrôh (15 khế) kô thế tơvêh ăm tơná nôu pâ hok tro tâng vâi pâ thế tơvêh. La tiô hên mâu nôu pâ hok tro tối, troh nôkố iâ hngêi trung tối tơbleăng kơ-êng nôu pâ hok tro ‘na tơdroăng hôm tơvêh nếo kơxo# liăn ki nâp baoh hiêm khăm pơlât tiô tơdroăng hnê mơhno dêi Khu xiâm ngăn ‘na hnê hriâm [ă hnê mơhno há lơ ôh? Nâ Lê Thanh Huyền, ối a kơpho# Lý Thường Kiệt, pơlê krâm Hoàn Kiếm, Hà Nội ai kuăn dế hriâm hngêi trung râ má péa Lê Ngọc Hân, ăm ‘nâi: A ôh tá hlo hngêi trung tối ki klâi ‘na tơdroăng xo tơvêh liăn ki mâu nôu pâ hok tro kal vâ thế tơvêh. Ki khât gá, hiăng nâp, a tơmiât xuân ôh tá chiâng tơvêh xếo, la ga tâng hdrối vâ nâp thế tối tơbleăng, kơ-êng nôu pâ hok tro mê gá tro tâ. Hiăng thế nâp nah la thế tơvêh nếo pá păng ‘nâng. Xua apoăng hơnăm thế nâp liăn hên h^n.

            Tơdrêng [ă xo liăn nâp baoh hiêm khăm pơlât cho tơdroăng ki pơklât thế nâp, hơnăm kố baoh hiêm ki tơnăng nâp xêh xuân cho kơxo# liăn ki nâp hên, mâu nôu pâ hok tro tô tuăn tơpui rơbok ôh tá vâ môi tuăn. Ki păng ‘nâng, tơdroăng baoh hiêm tơnăng vâ nâp xêh kố vâ chêl iâ a kơxo# liăn ki lơ trâm xía vâ ‘lo, lơ châi tamo a vâi hok tro, sinh viên ‘lo [ă ki khât dêi baoh hiêm tơnăng vâ nâp xêh kố ôh tá pơklât thế, mâu nôu pâ hok tro thế rôe la bú mơhnhôk thế rôe tê ôh tá pơklât. Kơlo veăng nâp sap 50 rơpâu liăn troh 100 rơpâu liăn tung môi hơnăm môi ngế hok tro. Ki păng ‘nâng, hên mâu hngêi trung xuân rah xêh tíu tê mơdró baoh hiêm vâ rôe ăm hok tro. Xua vâ pro pơxúa ‘na cheăng kâ châ ‘’mơhá’’ mê ai hngêi trung ki ‘nâ ôh tá vâ hmâng troh ki pơxúa dêi hok tro, hiăng ăm ai tơdroăng hok tro rôe baoh hiêm ki tơnăng vâ xêh la ôh tá ăm vâi ph^u ki hiăng nâp lơ hlá mơ-éa mơnhên hiăng nâp liăn. Tiô khu ngăn ‘na hnê hriâm [ă hnê mơhno cheăng Hà Nội, baoh hiêm ki tơnăng vâ nâp xêh mê ôh tá xê cho kơxo# liăn pơklât thế nâp. Hiăng 2 hơnăm kố, Khu ngăn ‘na hnê hriâm ôh tá mơhnhôk mâu hngêi trung xo kơxo# liăn ki thế tơnăng nâp mê. Pôa Nguyễn Hiệp Thống, Kăn pho\ pơkuâ ngăn ‘na hnê hriâm [ă hnê mơhno Hà Nội, ăm ‘nâi: Rôe baoh hiêm rak vế tơná ăm hok tro cho hnoăng dêi nôu pâ hok tro. Vâi rah xêh khu ki tê baoh hiêm vâ rôe, kơxo# liăn rôe mê to lâi, kơlo thế nâp to lâi cho tơdroăng tơmiât pêi pro dêi nôu pâ hok tro. Hngêi trung ôh tá tơmâng, ôh tá pơklât, ôh tá tơbleăng môi ko\ng ti ki lâi vâ thế nôu pâ hok tro rôe. Kố ôh tá xê hnoăng cheăng dêi hngêi hngêi trung.

Tơdroăng mơdât ôh tá ăm xo liăn nâp rôe baoh hiêm rak vế châ chăn tơná a mâu hngêi trung hriâm mơhno tơdroăng ki kơtăng dêi kơvâ ngăn ‘na hnê hriâm ‘na kơxo# liăn xo nâp ‘’ki kơtôa’’ tơnăng pro ai tơdroăng tô tuăn ăm nôu pâ hok tro. Hên ngế tối tiah kố, kơvâ ngăn ‘na hnê hriâm kal ai hnoăng cheăng pêi kơtăng, pơxâu phak ó tâng lơ ‘nâi mâu hngêi trung ki lâi pro xôi, ai tiah mê ‘nôi nếo kâi kơdroh, kâi vâ mơdât tơdroăng pro ôh ti tro.

Gương tơplôu [a\ tơbleăng