VOV4.Sêdang - Ô vâi krâ nho\ o [ă pú hmâ! Măng t^ng hiăng hluâ, a rôh hôp má 2, Kuo#k ho#i hneăng má 14 hiăng tơpui tơno a hngêi hôp kân ‘na mâu tơdroăng ki xiâm, tơpui tối ki tơ-ê dêi pó ‘na kơxop hlá mơéa Luât loi t^ng tiô khôp.

Tiô roh hôp, mâu kăn pơrá mơnhên tối, tơdroăng chêh bro Luât loi t^ng, tiô khôp ga cho kal păng ‘nâng, ai tơdjâk troh hiâm tuăn dêi kuăn pơlê. Xua ti mê, tơdroăng mơjiâng Luât athế tơtro, tơniăn ‘na kơvâ pơkuâ ngăn dêi tơnêi têa, po troăng prôk châ pơkuâ ngăn mâu tơdroăng loi t^ng, tiô khôp, rak tơniăn ăm tơdroăng cheăng ki prôk tơtro, [ă tơdroăng ki vâ pêi pro tơdroăng le\m. Pak^ng mê nếo, tơdroăng chêh bro Luât kal athế chêh tối nhên, hmâng to tơná kuăn pơlê loi t^ng, tiô khôp tiô tơdroăng pơkâ dêi Kơxop mơ-éa luât [ă mơhno tối ki phá xêh dêi loi t^ng cho hiâm mơno loi [ă ai hnoăng pêi pro dêi mâu khu pơkuâ tơdroăng khôp lơ mâu ngế kuăn pơlê tiô khôp.

‘Na ki châ mơnhên tối khu pơkuâ ngăn tơdroăng khôp, ai mâu kăn pâ thế kal athế pơkâ tiô troăng, ngăn tiô kơ tơdroăng ki hiăng pâ phêp tiô tơdroăng khôp, [ă ai pêi pro, tơtro tu\m dêi khu pơkuâ ngăn mê châ kơ koan tơnêi têa ki ai hnoăng cheăng séa ngăn [ă mơnhên tối ăm phêp. Pak^ng mê, kal athế hriăn ple\ng, ‘mâi rơnêu mâu tơdroăng pơkâ ‘na tơdroăng ki chêh tối dêi tơdroăng cheăng loi t^ng, tiô khôp [ă châ mơnhên tối mê cho khu pơkuâ ngăn tơdroăng khôp ki cho khât, tro păng ‘nâng. Mơnhên tối mâu tơdroăng ki tá hâi teăm tro tung pơkâ 5 hơnăm mơnúa pêi pro, klêi mê,nếo châ mơnhên tối cho khu pơkuâ ngăn tơdroăng khôp, mê jâ Vũ Thị Lưu Mai, Kăn Kuo#k ho#i pơlê kong kân Hà Nội tối: Tiô á, drêng khu ki mê chêh tối dêi inâi, tâng châ mơnhên hiăng tu\m tơdroăng vâ pêi pro mê ăm phêp cho khu ngăn tơdroăng khôp. Tâng tung pơla pêi pro dêi tơdroăng khôp, lơ ai xôi mê kô mơdât, ôh tá ăm po tơdroăng khôp. Tiah mê, tơtro [ă tơdroăng ki séa mơnhên hdrối ga ‘ló tâ klêi kơ’nâi ai xôi nếo ‘mâi rơnêu.

Mơnhên tối ‘na tơdroăng chêh tối dêi Luât ga ai kơxop mơ-éa ki phá tơ-ê ki pơkâ ‘na tơdroăng hmâng ngăn tơná kuăn pơlê vâ loi t^ng, tiô khôp [ă mơnhên tối hnoăng cheăng dêi tơnêi têa [ă mâu tơdroăng cheăng dêi khu kuăn pơlê ki loi t^ng, tiô khôp, veăng kum ăm khu pơkuâ ngăn tơdroăng khôp châ tơru\m cheăng lâp plâi tơnêi tơ’lêi hlâu tâ, [ok phop Thanh Quyết, kăn Kuo#k ho#i kong pơlê Quảng Ninh mơnhên tối, kố cho tơdroăng pơkâ ki vâ hnê tối, mơjiâng chiâng ai tơdroăng ki hơniâp ro, loi tơngah dêi kuăn pơlê tung mâu tơdroăng khôp, loi tơngah tơnêi têa [ă hnối rơtế [ă tơnêi têa veăng kum pôu râng hnoăng cheăng dêi pơlê pơla.

Mâu pôa Nguyễn Hữu Cầu, Kăn Kuo#k ho#i kong pơlê Nghệ An; Đặng Ngọc Nghĩa, Kăn Kuo#k ho#i kong pơlê Thừa Thiên Huế; jâ Hoàng Thị Hoa, kăn Kuo#k ho#i dêi kong pơlê Bắc Giang pâ thế ‘mâi mơjiâng tơ’nôm mâu tơdroăng pơkâ ‘na tơru\m cheăng lâp plâi tơnêi ‘na kơvâ loi t^ng, tiô khôp [ă ai pơkâ i nhên tâ ‘na hnoăng cheăng loi t^ng, tiô khôp dêi mơngế kong ê ki rêh ối a Việt Nam. Jâ Hoàng Thị Hoa, kăn Kuo#k ho#i kong pơlê Bắc Giang tối ăm ‘nâi: Drêng ai mâu tơdroăng ki kal tơru\m cheăng tung lâp plâi tơnêi rế hía rế ai hên ngế kong têa ê troh rêh ối, pêi cheăng a Việt Nam, xua mê, tung kơxop hlá chêh bro Luât roh kố kal athế pơkâ nhên hnoăng cheăng loi t^ng, tiô khôp dêi mơngế kong ê ki rêh ối a Việt Nam. Tiah mê, mơngế kong têa ê, kô châ chiâng loi t^ng, tiô khôp xuân môi tiah kuăn pơlê Việt Nam, châ hriâm a mâu hngêi hnê tơdroăng khôp a Việt Nam.

Mâu kăn Kuo#k ho#i xuân vâ môi tuăn ‘na tơdroăng ki ‘mâi rơnêu ‘na kơxop moe-éa Luât tung tơdroăng loi t^ng, tiô khôp chiâng Luât, pơcháu ăm Chin phuh ki pơkuâ ngăn ‘na tơnêi têa, pơkuâ ngăn ‘na kơvâ loi t^ng, tiô khôp vâ pơkuâ ‘na kơvâ cheăng kố. Xua păng ‘nâng dế nốkố, tơdroăng loi t^ng, tiô khôp rế hía rế châ mơnhông mơdêk ó rơdêi, la ai hên tơdroăng ki ối môi tiah mơdró kâ ing tơdroăng loi t^ng, tiô khôp, tí tăng tôm xo ing tơdroăng loi t^ng, tiô khôp mê vâ tí tăng pơklât thế lông mơhnhôk, vâ pro tơ’nhê pơlê pơla, tơnêi têa, pro ôh tá tơniăn tung tơdroăng rêh ối.

Ô vâi krâ-nho\ng o [ă pú hmâ! Drêng Kuo#k ho#i tơpui tơno ‘na kơxop chêh tối  Luât loi t^ng, tiô khôp [ă tiô tơdroăng ăm ‘nâi hdrối kô tối tơbleăng tung roh hôp a hâi môi kố, ai hên mâu jâ ch^ng, [ok xối tung loi t^ng, tiô khôp tung lâp tơnêi têa hiăng mơhno tối tơdroăng ki vâ môi tuăn [ă mâu tơdroăng ki hiăng pơkâ hnoăng loi t^ng, tiô khôp tung kơxop hlá mơ-éa chêh tối ‘na luât, tơtro [ă hiâm tuăn kuăn pơlê pói vâ tung loi t^ng, tiô khôp. {ok Phop Huệ Minh, Kăn pơkuâ ngăn tơdroăng khôp Phop kong pơlê Tiền Giang tối tiah kố: ‘Na tơdroăng loi t^ng, tiô khôp [ă hmâng to tơná kuăn pơlê loi t^ng, tiô á hlo tơnêi têa ai nhoa#m ‘nâng tơdroăng kố. Á tơmiât, loi t^ng, tiô khôp xuân kal athế rak vế, pêi pro tro kơxop mơ-éa luât, luât xiâm dêi tơnêi têa ôh tá xê vâ pêi pro tiah lâi hmếo pơ pro. Xua ai tơdroăng tơniăn môi tơnêi têa cho tơdroăng ki kal. Hdrối vâ loi môi tơdroăng khôp ki lâi mê ki ahdrối tâ cho hnoăng cheăng athế veăng rak ngăn tơnêi têa tơná ‘nôi. Athế mơhno tối hiâm tuăn dêi tơná tung tơdroăng loi t^ng, tiô khôp, rế nhoa#m pâ tơdroăng khôp, rế pâ dêi hdroâng mơngế, rế pâ tơnêi têa. Tơdroăng mê á tơmiât tung tâi tâng khu pơkuâ ngăn tơdroăng khôp ki lâi xuân môi tiah mê, xua ai tơdroăng ki tơniăn le\m, tơ’lêi hlâu tiah hâi kố cho hnoăng dêi hdroâng mơngế, cho tơdroăng ki hơ’lêh [ă mơheăm chhá dêi kuăn pơlê.

{ok Thường Hữu Xuân, Kăn hnê ngăn khu khôp Bà La Môn giáo kong pơlê Bình Thuận tối: Luât loi t^ng, tiô khôp ki Kuo#k ho#i dế tơpui tơno cho tơtro [ă tơdroăng loi t^ng, tiô khôp tơchuâm dêi lâp tơnêi têa.Vâ ăm pin châ pêi dêi tơdroăng khôp, thăm nếo, rơtế dêi pó rak vế, kring tơniăn ki le\m tro tung mơhno mơjiâng túa le\m tro dêi tơnêi têa; châ rak vế ki tơru\m krá tơniăn tung khu 54 hdroâng mơngế tung lâp tơnêi têa châ môi hiâm mơno, to\ng veăng dêi pó. Á vâ môi tuăn [ă kơxop mơ-éa Luât, vâ môi tuăn [ă mâu troăng hơlâ, túa cheăng dêi Đảng hiăng mơ’no [ă kơvâ loi t^ng,tiô khôp.

Pôa Trương Đình Căn, Kăn pho\ hnê ngăn Vi [an tơru\m ‘na khôp Pâ Xeăng kong pơlê Lâm Đồng mơnhên tối, ai hên tơdroăng pơkâ ki nếo tung kơxop mơ-éa Luât loi t^ng, tiô khôp kô kum ăm tơdroăng khôp tơ’lêi hlâu tâ: Ngin hlo kơxop hlá mơ-éa luât roh kố ai hên tơdroăng ki nếo [ă hnoăng cheăng ki tiô tơná kuăn pơlê pói vâ tung loi t^ng, tiô khôp, la mâu tơdroăng mê athế rák tơniăn. Kum tơ’lêi hlâu ăm tơdroăng cheăng ki ăm phêp loi khôp. Ki má péa nếo, kơxop mơ-éa luât roh kố hiăng mơnhên tối, tơdroăng khôp ôh tá xê mơdró kâ, mê á hlo cho ki nếo. Ngin pói ngah, Luât loi t^ng, tiô khôp roh kố châ chêh tối i tơtro, mê mâu tơdroăng khôp tung lap tơnêi têa Việt Nam kô ai hên tơdroăng ki tơ’lêi hlâu tâ.

Nhat Lisa tơplôu [ă tơbleăng