Ing mê, mâu tíu pêi cheăng pơtối xuá mâu Hlá mơ-éa mơnhên chêh inâi ki hiăng ăm hdrối mê, tá hlá mơ-éa chêh inâi tê mơdró, rơpŏng mơdró, khu pêi cheăng tơrŭm, tôh pêi cheăng tơrŭm, mâu kơvâ cheăng, ƀơrô teăng mâ ƀă tíu tê mơdró. Tâng ai ngế ki vâ lơ pro hlá mơ-éa pơ’lêh tơdroăng kal chêh inâi ki ê, tơkŭm cheăng kâ, kô po ngăn mâu tơdroăng a tíu chêh inâi tơnêi tíu, tíu pêi cheăng ki nếo.

Vi ƀan kuăn pơlê dêi kong pơlê pơkâ thế Vi ban kuăn pơlê mâu tơring, pơlê kong krâm, pơlê kong kơdrâm hnê mơhno ăm Ƀơrô rak liăn ngân - Pơkâ (kơ koan chêh inâi tê mơdró râ tơring) ôh tá pơkâ pơklât lơ khŏm thế pơ’lêh tơdroăng a tíu xua pơ’lêh tơnêi tíu pêi cheăng, tâng lơ kal vâ, tâng ôh kô pro hlối mâu hlá mơ-éa pơ’lêh tơdroăng chêh.