Lâm hriâm kố cho vâ pơhlêh mâu pơkâ pêi ki xiâm dêi Pơkâ 57 ‘na mơnhông tơƀrê xúa khoa hok, kong ngê̆, pơhlêh nếo tơmiât pêi rơkê ƀă pơhlêh kơxô̆, ăm ki rơkê dêi kih thuât sap ing kơbong ki mơnúa ngăn hdrối vêh troh a cheăm bêng. Tiô pôa Phạm Gia Việt, Phŏ Ngăn Khoa hok ƀă Kong ngê̆ kong pơlê Dak Lak, ƀlêi chiâng dêi cheăng Khoa hok ƀă Kong ngê̆ athế châ tối nhên ƀă ki kơnía rế tâk, tơƀrê tung ứng dụng ki khât vâ mơdêk tơdroăng rêh ối ăm pơlê pơla ƀă kuăn pơlê.

Cheăng mơdêk ki rơkê ăm kăn ƀô̆ râ cheăm bêng ôh ti xê to gum pơkuâ ngăn rơkê mâu hnoăng cheăng Khoa hok ƀă Kong ngê̆, mê ối cho khoă ki kal vâ ăm Pơkâ 57 châ xúa tung rêh ối tiô túa ki tro má môi.