Pôa Trần Thanh Mẫn, Kăn xiâm hnê ngăn Kuô̆k hô̆i kheăn kơdeăn Vi ƀan Khoa hok, Kŏng ngê̆ ƀă Kong prâi hiăng kêi đeăng lĕm tro hnoăng cheăng dêi hneăng cheăng Kuô̆k hô̆i hneăng má XV ƀă 5 khế apoăng hơnăm 2026.

Kăn xiâm hnê ngăn Kuô̆k hô̆i tối ăm ‘nâi, Khu xiâm kal kí hiăng tơbleăng 9 tơdroăng pơkâ chuyên đê ki kal khât, tung mê ai Tơdroăng xiâm 193 tơbleăng a roh hôp; tơdrêng amê djâ troăng ahdrối tung kơvâ pơhlêh xúa kŏng ngê̆, tơmeăm ki mơngế ki kơhnâ rơkê pro AI tung mơjiâng luât, mâu tơdroăng dêi Kuô̆k hô̆i.