Mot tung hơnăm 2026, a Lâm Đồng hiăng ai mâu rôh kong mê môi tiah khía pêi têi, têa rơlâu kân a têa kơxĭ, kong mê hlối ai jâ kơdo pro tơhnah vâ chê 380m kĭng têa kơxĭ, tơtêa 17 kuâ hngêi, 8 ha hdrê pêt tro tơ’nhiê ƀă tâi tâng ki lŭp dâng 1,9 rơtal liăn. Vâ hbrâ ví mâu kế tơmeăm khoăng kơdroh iâ tro tơ’nhiê lŭp xua kong mê khía mơhot têa kân lân lu tung rơnó mê hơnăm kố, Vi ƀan hnê ngăn kong pơlê Lâm Đồng tơbleăng pêi 17 hnoăng cheăng ki kal.

Tung mê, ai cheăng séa ngăn, rĕng pơtâng tối mâu rôh kong mê khía mơhot ki ôh tá tơniăn; hbrâ rơnáu mâu kơmăi kơmok, liăn ngân vâ hbrâ ví ƀă kong mê; rak ngăn krá mâu long rơchoâ têa, hngêi kơmăi on tơhrik; khŏm mơ-eăm tơkŭm ‘mâi xĕn kuăn pơlê rĕng lo ing kơpong rơ-iêo.