Ing ihiâm mơno mê, Kăn xiâm hnê ngăn Kuô̆k hô̆i pơkâ mâu tơdroăng ƀă Vi ƀan: ‘na troăng pêi tơkŭm po ƀă troăng pêi cheăng, tơdroăng tơmot chiâng môi kơ koan pơkuâ tơdroăng kuăn pơlê pói vâ ƀă séa ngăn mơjiâng ivá tơkŭm tâi tâng. Tối pơkâ tơdroăng pêi cheăng séa ngăn thế pêi pro păng ‘nâng tâ, ƀeăn ƀĕng tâ, tro xiâm kối tâ ƀă tui lui cho tơdroăng châ tơƀrê, Kăn xiâm hnê ngăn Kuô̆k hô̆i pơkâ thế Vi ƀan pêi inhên túa pơkâ rah xo tơdroăng séa ngăn; troăng pơkâ pêi pơkuâ, ví ki bô bối, pêi pro utâi utá; tơdroăng ki châ tơƀrê pêi pro pâ thế klêi séa ngăn.

Séa ngăn vâ tah lôi tíu ki kreăng, pro hlâu lĕm mơngế pêi cheăng, pêi kơtăng kheăn hôu tung pêi pro, gâk kring hnoăng ki pơxúa tơxâng dêi Kuăn pơlê ƀă mơdêk mơnhông cheăng kâ – rêh ối pơlê pơla, gâk kring tơnêi têa, gâk kring tơniăn pơlê pơla... Kăn xiâm hnê ngăn Kuô̆k hô̆i pơkâ, pơhlêh xúa kŏng ngê̆ thế chiâng ki châ tơƀrê tung kuăn pơlê pói vâ ƀă séa ngăn.