Tiô Khu tơrŭm mâu tôh tơrŭm tơroâ kong pơlê Dak Lak tung hneăng cheăng pơla hdrối kố nah, rêm hơnăm, kong pơlê pơrá tơkŭm po tơdroăng trâm mâ mâu kuăn pơlê ki rêh ối, hriâm tâp a kong têa vêh pơlê kâ Têt khôi hmâ, pôu kơ-êng, hbru tơmeăm ăm kuăn pơlê ki rêh ối cheăng kâ a kong têa vêh pôu pơlê.

Tơrŭm ƀă mâu tíu pêi cheăng, khu pú hên tơkŭm po mâu tơdroăng cheăng trâm mâ mơhno túa lĕm tro, hơdruê xuăng, po tơ’noăng tăng ‘nâi tơdroăng mơhno túa lĕm tro vâ mơdêk tơdroăng ki hlê plĕng ăm đoân viên droh rơtăm ƀă kuăn pơlê. Kơhnâ veăng tung mâu tơdroăng cheăng tơpui kâ ƀă kuăn pơlê dêi tơnêi têa ƀă tung kơpong.

Tung 5 hơnăm hdrối nah, kong pơlê hiăng tơdah 58 khu tơmối kong têa ê ƀă lối hrĭng ngế tơmối troh pêi cheăng, trâm mâ tăng ‘nâi ƀă pơkâ tơdroăng tơrŭm tung hên kơvâ cheăng. Tung la ngiâ ah, Khu tơrŭm tơroâ kong pơlê Dak Lak pơkâ khŏm mơnhông tơ’nôm mâu tôh tơrŭm tơroâ pơla péa pâ ki nếo, tơkŭm po đi đo mâu tơdroăng tơpui kâ tung kuăn pơlê ƀă mâu kong têa.

Mơ-eăm rak vế mơhnhôk tơlo châ 20 rơtal liăn ôh ti xê Chin phuh tŏng kum kong têa ê tiô pơkâ ki Vi ƀan hnê ngăn kong pơlê mơ’no.