Dak Lak pôk tơ’nôm hên tíu cheăng khu kăn pơkuâ
Thứ ba, 05:00, 16/06/2026
Tơplôu: Katarina Nga/VOV Tây Nguyên
Tơplôu: Katarina Nga/VOV Tây Nguyên
VOV.Xơ Đăng - Kơxo lơ 15/6, Khu pơkuâ hnê ngăn Đảng Dak Lak tơkŭm po Hôp tơbleăng mâu pơkâ ‘na cheăng kăn ƀô̆. Khu pơkuâ ngăn Đảng tơbleăng 15 pơkâ ‘na xing xoăng, pơtroh, pôk tơ’nôm ƀă pơkâ thế kăn ƀô̆ lăm pêi cheăng a mâu kơ koan tí tăng ‘nâi plĕng dêi Khu pơkuâ ngăn Đảng ƀă mâu cheăm, bêng a kong pơlê.
Tung mê, pôa Trần Văn Tân, Tỉnh ủi viên, Kăn pơkuâ Khu rak liăn ngân châ pơkâ thế pro phŏ pơkuâ Khu tơrŭm Đảng ủi. Rôh hôp xuân tơbleăng 5 pơkâ dêi Kăn xiâm hnê ngăn Vi ƀan kong pơlê ‘na pơtroh, ‘mot tơ’nôm kăn pơkuâ cheăm bêng, khu râ kơvâ cheăng. Tiah mê, pôa Bùi Hồng Quý pro Kăn pơkuâ Khu ngăn chiâk deăng ƀă Hyôh kong prâi; pôa Nguyễn Minh Huấn pro Kăn pơkuâ mơjiâng luât; pôa Cao Đình Huy pro Kăn pơkuâ Khu ngăn liăn ngân.
Hên kăn ƀô̆ pơkuâ râ cheăm, bêng hiăng châ pơtroh, lăm pêi cheăng vâ thăm mơdêk ivá pêi cheăng pơkuâ, hnê mơhno a mâu cheăm bêng, pêi châ tơdroăng púi rơhêng vâ mơnhông dêi kong pơlê.
Viết bình luận