Péa pâ kheăn kơdeăn mâu tơdroăng châ tơrêm tung tơrŭm péa Đảng, péa tơnêi têa tung pơla kố nah, ki má lối cho tơdroăng pêi pro mâu tơdroăng hlê plĕng pêi pro tơdjuôm dêi khu râ kăn pơkuâ xiâm. Pôa Lê Minh Hưng, Ngế pro xiâm hnê ngăn tơnêi têa pơkâ thế thăm loi tơngah troăng pêi cheăng ton xŏn, rak tơpui tơno khu râ kăn xiâm, mơdêk tơdjêp hngêi trăng troăng klông ƀă mơjiâng chiâng tơdroăng pơto tơmeăm hên troăng, tung mê, kơjo má môi tơrŭm troăng rơxế lơtreng.

Ngế pro xiâm hnê ngăn tơnêi têa xuân pói vâ po rơdâ tơrŭm cheăng tung kơvâ khoa hok kŏng ngê̆, hnê hriâm, hnê mơjiâng mơngế pêi cheăng ki rơkê, khăm pơlât, khôi túa lĕm tro ƀă ôm hyô. Pôa Lý Cường, Ngế pro xiâm hnê ngăn tơnêi têa mơnhên Sinuâ đi đo ngăn Việt Nam cho troăng kơjo tung troăng hơlâ tơpui kong têa ki achê, tơdrêng hbrâ mơdêk tơrŭm troăng rơxế lơtreng thăm tơdjêp kơpong, mơdêk tơdjêp kơvâ cheăng ƀă po rơdâ tê mơdró tơmeăm pêi lo ing chiâk deăng pơla péa tơnêi têa.