Tung pơla chiâ kloh kơphế, pôa R’com Thắng châ hlo mâu tơmeăm nhôm ki mố đô̆i mê cho xkê, bình tông, kơbăn ƀă hiăng tối tơbleăng ăm Khu xiâm pơkuâ ngăn lêng cheăm Ia Phí. Tơdah xo tơdroăng mê, Đô̆i K52 tơ rŭm ƀă Khu xiâm pơkuâ ngăn lêng cheăm rơtế ƀă rơpŏng hngêi pôa R’com Thăng tăng ngăn, mơnhên tíu mê. Po rơdâ tíu tí tăng, mâu lêng ki pêi hnoăng cheăng hiăng châ hlo môi kơxêng kiâ ƀă hên tơmeăm  tơdrêng ƀă kơxêng phâu ki tơđôu tơhneăng, mâu hnĕng ƀă hên kơxêng ki kŭm ê nếo hiăng vâ pok.

 Mâu khu râ pơkuâ cheăng xuân hiăng tăng ho a to hnĕng  vâ kum tung tơdroăng mơnhên ngăn ADN tiô pơkâ. Nôkố kơxêng kiâ mê châ djâ vêh a Khu pơkuâ ngăn Lêng cheăm Ia Phí vâ ‘măn rak ‘nôi ƀă kô pêi klêi tio hlá mơ-éa mơnhên ngăn.

-