Tiô Khu rak ngăn mâu tơdroăng tơkêa bro ‘no liăn mơjiâng pro a Gia Lai, tâi tâng tơdroăng cheăng pro tiô tơdroăng tơkêa bro nếo châ dâng 42% ki pơxúa dêi hơp đong mơjiâng pro lối 1.226 rơtal liăn. Ki vâ tối, ai troh 6/7 to hngêi trung hrá kêi sap 10-15 hâi, ki xiâm xua ôh tá ai hên mơngế ki rơkê pêi cheăng. Hlo tơdroăng pơkâ thế rĕng pro klêi vâ teăm ăm hriâm tung hơnăm nếo kố ah, ngế pơkuâ ‘no liăn mơjiâng pro hiăng tối hdrối đi đo ăm mâu khu ki ngăn  mơjiâng pro, hlối pâ thế Vi ƀan hnê ngăn kuăn pơlê dêi kong pơlê veăng ăm mâu mố đô̆i, kŏng an mố đô̆i tơkăng kong veăng pơtroh mơngế pro vâ rĕng klêi.

Tơdroăng tơkêa bro mê ai tâi tâng kơxô̆ liăn ‘no lối 1.516 rơtal liăn, ôh tá xê to pro pơxúa ăm tơdroăng hriâm dêi hok tro kơpong tơkăng kong mê ối ai pơxúa ki kal ‘na rêh ối pơlê pơla, mơdêk tuăn mơno hlê plĕng kuăn pơlê ƀă pro xiâm mơnhông krá ăm kơpong tơkăng kong Gia Lai.