A rôh trâm mâ, mơngế ki tâ phĭu, kuăn pơlê pâ thế kong pơlê pơtối mơ’no liăn tơdâng tơ’mô hngêi trăng, troăng klông kơpong rơlố Hải Minh; ‘măn tung kơdâm tơnêi troăng kơxái on tơhrik a mâu troăng kơphô̆ tíu xiâm vâ kơdroh tro lŭp xua kong mêi mơhot; pêi pro rĕng rơnuâ pơlê kân, gâk kring kong prâi têa kơxĭ; ƀă tơniăn tơbleăng ăm rêm ngế ‘nâi, tơdrăng tung rah xo bro lế lĕm tro hngêi trung hriâm klêi tơmot chiâng môi.

Hên rơkong tơpui xuân pơkâ thế kong pơlê ai troăng pêi mơnhông ôm hyô ƀă tơniăn lĕm ƀă mơdêk hôm tơdroăng rêh ối dêi kuăn pơlê. Tơpui tơno ƀă kuăn pơlê, pôa Phạm Anh Tuấn, Kăn hnê ngăn Vi ƀan kong pơlê Gia Lai mơnhên, kong pơlê kô kơjo kêi đeăng hngêi trăng a mâu kơpong ki xiâm, ƀă pơkâ tơniăn ăm kuăn pơlê ƀă mơnhông krá tơniăn. Tơdrêng amê, thăm rơnuâ bêng, rak tơniăn hâng lông troăng, rak vế kong prâi têa kơxĭ ƀă mơjiâng Quy Nhơn chiâng bêng ôm hyô rơkê, tơniăn, lĕm, tung mê ai tơdroăng rơtế prôk dêi kuăn pơlê cho tơdroăng ki pơkâ.