Gia Lai dế mot a rơnó tô khăng khoăng, hên ƀăng deăng kong dế a kơlo tơbleăng ki ó râ V – râ ki rơ-iô. Mâu khu pơkuâ kong ƀă mâu tơring a kong pơlê xuân dế pêi pro mâu troăng hbrâ mơdât tơtro.

Tiô riên, lâp kong pơlê Gia Lai nôkố ai 286 kơpong ki xiâm tơ’lêi chếo kong râ V, ƀă ƀăng deăng lối 124 rơpâu ha, ki hên cho kong pêt, kong ki ai xêh hlá kân ƀă kong kơdrâng. Pôa Trương Văn Nam, Kăn pơkuâ gâk ngăn kong, Kơ koan xiâm Gâk ngăn kong kong pơlê Gia Lai tối ăm ‘nâi, mâu tơring ƀă khu pơkuâ kong dế pêi pro pơkâ hbrâ ví, tiô troăng pêi châ pêi pro sap apoăng rơnó tô khăng khoăng.