A roh kơ-êng ƀă tiâ rơkong kơ-êng dêi Hneăng hôp má 10, Hô̆i đong kuăn pơlê kong pơlê Lâm Đồng hneăng má X tơkŭm po a hâi lơ 12/7, tơdroăng ăm phêp mơjiâng ƀă pơkuâ tơniăn mơjiâng cho tơdroăng ki tô châ mơdoh hên chôu tơpui tối. Hneăng hôp roh apoăng roh má 10, Hô̆i đong kong pơlê Lâm Đồng hneăng má X mơnhên, tơdroăng ăm phêp mơjiâng mâu tơmeăm, ki hên cho hngêi ối krê ƀă tơdroăng pơkuâ tơnêi têa ‘na tơniăn mơjiâng a Đà Lạt tối krê, kong pơlê Lâm Đồng tối tơdjuôm kơdroh ƀă pro pơhôi, lôi ai tơdroăng ki râ ó.

Tung mê, roh tơhnâp kơnâng troăng, tơhnâp tơmeăm dế mơjiâng pro 2 ngế hlâ ƀă 5 ngế ki ê tro rong a bêng 10, pơlê kong kơdrâm Đà Lạt a kơxo má lơ 29/6 cho vâ pơtih. Xông tơpui tơmâng xo ƀă tiâ tối a roh kơ-êng, pôa Trần Văn Hiệp, Kăn hnê ngăn Vi ƀan kong pơlê Lâm Đồng tối, tơdroăng pơkâ pêi, tơniăn lĕm tung mơjiâng tíu kơdrâm kuăn pơlê rêh ối kal pơtối châ pêi pro kơtăng, thế tơpui tơno nhên ƀă pơkâ inhên ăm rêm kơpong, ki má lối cho a mâu tíu rơnâk ó, ôh tá chiâng kâng kơnâng a’ngêi.