Klêi kơ’nâi troh pơlê kong xiâm Dhaka, pôa Vương Đình Huệ, Kăn xiâm hnê ngăn Kuô̆k hô̆i pơxiâm mâu tơdroăng lăm pôu pêi cheăng, tung mê, pôa Vương Đình Huệ xuân kô trâm tơpui tơno ƀă khu râ kăn xiâm dêi Kŏng hoa Nhân yân Bangladesh; veăng ƀă xông tơpui a Hneăng hôp tơpui tơno troăng hơlâ, luât mơdêk tơrŭm cheăng kâ, tê mơdró ƀă mơ’no liăn cheăng péa tơnêi têa; châ hlo Leh kĭ tơkêa tơrŭm cheăng tung mâu kơvâ cheăng; tơdah mâu khu tê mơdró; lăm pôu kơ koan teăng mâ, trâm mâ mơngế Việt Nam a kong têa Bangladesh.