Hôp xuân ăm hnê tối a hlá mơ-éa chêh Pơkâ mâu kăn tơdroăng cheăng lêng, ‘na cheăng lêng kring gak tơkăng kong ƀă mơjiâng Đảng ƀô̆ mâu Lêng hơnăm la ngiâ. Tối mơgêi hneăng hôp, pôa Tô lâm Kăn xiâm pơkuâ hnê ngăn Đảng, Kăn hnê ngăn Đảng  khu pơkuâ ngăn lêng Xiâm tối nhên hơnăm 2025, tâi tâng mâu lêng hiăng pê klêi hnoăng cheăng, tung mê hên tơdroăng pêi châ tối tơƀrê; mơjiâng Đảng ƀô̆ lêng pơtối châ rak tơniăn.

‘Na troăng hơlâ hơnăm 2026, Kăn xiâm pơkuâ hnê ngăn Đảng pơkâ thế Khu kăn đảng lêng xiâm  ƀă khu xiâm pơkuâ ngăn lêng tơbleăng pêi 6 tơdroăng cheăng ki kal, tung mê tơmâng khât hlốii pêi ai pơxúa Pơkâ hneăng Hôp kân má  15 dêi Đảng ƀă 7 pơkâ troăng pêi ki nếo ai pơkâ dêi Khu xiâm Kal kí. Kăn xiâm pơkuâ hnê ngăn Đảng tối nhên tâi tâng mâu lêng thế tối ki tơƀrê, mơhno hnoăng cheăng pêi ahdrối tung pêi pro tiô troăng hơlâ, dêi Đảng, veăng pro tơniăn cheăng lêng, tơniăn ƀă mơnhông tơnêi têa.