Tối tơdroăng a roh pêi cheăng ăm hlo, Dak Lak dế trâm mâu tơdroăng pá puât tung tơdroăng xing xoăng, rah xo ƀă mơ’no liăn cheăng ăm mâu tơdroăng xiâm tơnêi têa. Mâu tơdroăng pêi pro hrá xua trâm pá drêng drêng kố Tơnêi têa xuân tá hâi pơcháu kơxô̆ liăn ƀă tối hdrối kơxô̆ liăn pêi cheăng tơnêi têa hơnăm 2025 ăm kong pơlê.

A roh pêi cheăng, mâu kăn teăng mâ xuân pâ thế mâu tơdroăng xiâm tơdjâk troh kơvâ pêi chiâk deăng ƀă tíu pêi cheăng môi tiah pơkuâ, xúa tơnêi pêi chiâk deăng, kong kế; tơdroăng ki pá pơla pơkâ dêi Luât kong, Luât tơnêi tơníu ‘na mung tơnêi kong, mơnhên yă kong... Tơdroăng pêi pro hlá mơ-éa môi tuăn troăng hơlâ mơ’no liăn cheăng, pơtê tơdroăng tơkêa pêi pro tơdroăng tơkêa bro mơjiâng hngêi ối; troăng hơlâ mung liăn ƀă rơpŏng vâ chê kơtiê, rơpŏng nếo hluăn ing kơtiê mung tŏng gum ‘na tơnêi ối, hngêi ối, tơnêi pêt mơjiâng tơmeăm, pơhlêh tơdroăng cheăng.