Mơnhên a hên tơring cheăm ăm hlo, kuăn pơlê, ki rơhêng vâ tối cho kuăn pơlê hdroâng kuăn ngo, cho môi hiâm mơno, môi tuăn ƀă pói tơngah a tơdroăng pơhlêh nếo klêi kơ’nâi tơmot chiâng môi. Pôa Y Rul Niê ối a ƀuôn Pốt A, tơring Čư̆ Mgar tối: ‘’Mơhé prôk lăm pá puât tâ, laga kăn ƀô̆ thế ai ivá, khŏm mơ-eăm mê kô châ tơƀrê’’. Ôh tá xê pói tơngah a râ cheăm, hên kuăn pơlê ối loi tơngah tơdroăng mot tơrŭm kô mơjiâng ăm tơdroăng mơnhông kơpong.

Ngoh Huyền Trần Minh Đức, pơlê kong kơdrâm Ƀuôn Ma Thuột mơnhên: ‘’Tâng Dak Lak tơmot chiâng môi ƀă Phú Yên, cheăng kâ tơdjêp pêi chiâk deăng Tây Nguyên kô mơjiâng tơdjêp kơpong ó rơdêi, mơdêk tê mơdró, logistic’’. Tơdroăng rah xo bro lế lĕm tro, tơmot chiâng môi cho troăng prôk ki kal, châ tơƀrê khu pơkuâ tơnêi têa. Tơdroăng môi tuăn ƀă tơdroăng loi tơngah dêi kuăn pơlê cho ivá mơhnhôk kân kum khu râ kăn pơkuâ pêi pro châ tơƀrê troăng hơlâ kố, kum mơnhông krá tơniăn tơnêi têa.