Hâi lơ 23/4, Khu pơkuâ tơdroăng cheăng Đảng kong pơlê Dak Nông hiăng hôp ƀă tơbleăng troăng pêi rah xo bro lế lĕm tro mâu tíu pêi cheăng tơnêi têa râ cheăm. Sap ing 71 cheăm, bêng, pơlê kân, Dak Nông kô u ối 28 cheăm, bêng.

Troăng pêi kố kô pơtối châ tơbleăng Hô̆i đong kuăn pơlê kong pơlê Dak Nông, a hneăng hôp tơkŭm po a hâi lơ 25/4 la ngiâ. Hdrối mê, Vi ƀan kong pơlê Dak Nông hiăng xing xoăng lối 148.600 phĭu xo rơkong tơpui dêi kuăn pơlê troh kăn teăng mâ kuăn pơlê dêi tâi tâng mâu rơpŏng tung kong pơlê. Klêi ngăn phĭu, ai 144.643 kuăn pơlê môi tuăn ƀă troăng tơmot, châ lối 96%.

‘Na tíu pêi cheăng tơnêi têa râ bêng, pơlê kong kơdrâm Gia Nghĩa tơmot chiâng 3 bêng môi tiah: mơjiâng bêng Bắc Gia Nghĩa tiô tơdroăng tơmot mâu bêng Quảng Thành, Nghĩa Thành, Nghĩa Đức ƀă cheăm Dak Ha; Mơjiâng bêng Nam Gia Nghĩa ing tơmot mâu bêng Nghĩa Phú, Nghĩa Tân ƀă cheăm Đắk R’Moan; Mơjiâng bêng Đông Gia Nghĩa ing tơmot bêng Nghĩa Trung ƀă cheăm Dak Nia.