Kơxo lơ 13/7, pôa Phạm Minh Chính, Ngế pro xiâm hnê ngăn tơnêi têa pơkuâ roh hôp má 6 dêi Khu hnê mơhno Tơnêi têa mâu tơmeăm khoăng, tơdroăng tơkêa bro ki kal tơnêi têa ki xiâm kơvâ troăng klông pơto tơmeăm khoăng. Roh hôp châ mơ’no tơdrêng tung um tơvi hlối mơ’no tơdrêng tung um tiô troăng hyôh măng pơla Tíu mơ’no tơdrêng Tíu pêi cheăng Chin phuh ƀă 33 kong pơlê, pơlê kong kơdrâm ối tung Tơnêi têa dế ai mâu tơmeăm, tơdroăng tơkêa bro ki kal tơnêi têa, ki xiâm kơvâ troăng klông pơto tơmeăm.

Xông tơpui a roh hôp, pôa Phạm Minh Chính, Ngế pro xiâm hnê ngăn tơnêi têa tối ăm ‘nâi, kơxô̆ liăn mơ’no ăm kơvâ troăng klông ƀă rơxế kơtâu cho hên tung kơxô̆ liăn mơ’no cheăng tơnêi têa, xua mê, tơdroăng tơkŭm po mơ’no liăn cheăng “ ‘ló ƀă tro’’, mơdêk ki châ tơƀrê mơ’no liăn, kum mơdêk cho kal khât. Ngế pro xiâm hnê ngăn tơnêi têa pơkâ thế ƀă hiâm mơno pôu râng hnoăng cheăng, mâu khu tơrŭm cheăng Khu hnê mơhno mâu râ, mâu Khu pơkuâ tơdroăng tơkêa bro, khu ki mơjiâng pro rơtế veăng pêi kơtăng xua pơxúa tơnêi têa, hdroâng mơngế, pêi kơtăng, ‘’ôh tá tơpui hêng ôh, ôh tá tơpui tối pá, ôh tá tơpui ai laga ôh tá pêi’’.