A tíu pêi cheăng Chin phuh, pôa Lê Minh Khái, Kăn hnê ngăn Tíu xiâm Đảng, Ngế xiâm phŏ hnê ngăn tơnêi têa pơkuâ rôh hôp ƀă mâu kăn mâu khu xiâm, kơvâ cheăng xiâm tơnêi têa ăm hnê tối ‘na tơdroăng hiăng klêi pêi pro ƀă tơdroăng ‘mâi mơnhông Grup Bưu chính Viễn thông Việt Nam (VNPT). Tiô tơdroăng tơkêa bro ‘mâi mơnhông Grup pơla hơnăm 2021-2025 ƀă pơkâ ki xiâm cho mơjiâng ƀă mơdêk VNPT chiâng grup cheăng kâ dêi tơnêi têa ki rơdêi, rơkê ƀeăn, pêi cheăng tơƀrê, tiô túa nếo kâi tơbriât cheăng a tung tơnêi têa ƀă lâp plâi tơnêi.

Um: Pôa Lê Minh Khái, Ngế xiâm phŏ hnê ngăn tơnêi têa tối tơbleăng a rôh hôp

Mơgêi hneăng hôp, pôa Lê Minh Khái khĕn kơdeăn mâu tơdroăng veăng tối dêi mâu khu xiâm, kơvâ cheăng xiâm tơnêi têa hiăng vâ môi tuăn ‘na tơdroăng tối pơrá phá dêi rơpó, tơtrŏng tung pơla tơnêi têa dế Tơrŭm cheăng trâu rơdâ ƀă tơdroăng cheăng kâ lâp plâi tơnêi ƀă tơdjâk troh tơdroăng pơ’lêh nếo 4.0 tung mê ai tơdroăng pơ’lêh kơxô̆ cho ki kal ki Grup VNPT kal mơnhên ‘na tơdroăng mơnhông mơdêk nếo tung la ngiâ.